އިހަވަންދިއްޕޮޅުގެ ރަށްތަކާއި ކައިރިން، ކޮންމެ 24 ގަޑި އިރެއްގެ ތެރޭ ދުނިޔޭގެ އެކި ގައުމު ތަކުގެ ކާގޯ ބޯޓު ދަތުރު ކުރަމުންދާއިރު އެމްޕީއެލްގެ އަމާޒަކީ، މިބޯޓުތަކަށް ބޭނުންވާނެ ހިދުމަތްތައް ހަމަޖައްސައިދިނުންކަމަށް އެ ކުންފުނީގެ ސީއީއޯ މުހައްމަދު ވަޖީހު އިބްރާހިމް ވިދާޅުވެއްޖެ އެވެ.
ވަޖީހު ވިދާޅުވީ ގުޅި ލާމެހިފައިވާ ދުނިޔެއެއްގައި ރާއްޖެ އުފެދިފައި ވަނީ ދާއިރާއިން ބޮޑެތި ނަފާ ތަކެއް ގައުމަށް ހޯދާ ދެވިދާނެ ފަދަ މުހިންމު ލޮކޭޝަނެއްގައި ކަން އެންމެންވެސް ގަބޫކު ކުރާކަމަށެވެ. އެހެން ނަމަވެސް މިހާތަނަށް އޭގެ މަންފާ ސަރުކާރަށް ހޯދިފައިނުވާއިރު ރާއްޖޭގެ އިގްތިސާދު އަލުން ދިރުވައި ކޮޅަށްޖެހުމަށް ރައީސް ޑރ. މުހައްމަދު މުއިއްޒު ފެއްޓެވި މަސައްކަތްތަކުގެ ތެރޭގައި ހިމެނޭ އެއްކަމަކީ ރާއްޖޭގެ މެރިޓައިމް ދާއިރާއިން ދެވޭ ހިދުމަތްތައް ފުޅާކޮށް އިގުތިސާދީ ގޮތުން ގައުމަށް މަންފާ ހޯދައިދިނުންކަމަށެވެ.
އެމްޕީއެލްގެ އުތުރު މެރިޓައިމް ސާވިސް ވެބްސައިޓަކީ ވަޖީހު ވިދާޅުވި ގޮތުގައި، ރާއްޖޭގެ އުތުރުގައި ހިންގުމަށް ތައްޔާރު ވަމުންދާ މެރިޓައިމް ހިދުމަތްތަކާއި ބެހޭ މައުލޫމާތު ސާފު ކޮށްދޭ ވެބު ސައިޓެކެވެ. އަދި މި ހިދުމަތްތައް ފުޅާ ވަމުންދާ ވަރަކަށް، އެ މައުލޫމާތު ވެބުސައިޓަށް އިތުރު ކުރެވެމުންދާނެކަމަށް ވިދާޅުވި އެވެ.
ވަޖީހު ވިދާޅުވީ އިހަވަންދިއްޕޮޅުގެ ރަށްތަކާއި ކައިރިން، ކޮންމެ 24 ގަޑި އިރެއްގެ ތެރޭ ދުނިޔޭގެ އެކި ގައުމު ތަކުގެ 250 ވަރަކަށް ބޮޑެތި ކާގޯ ބޯޓު ދަތުރު ކުރަމުންދާއިރު އެމޕީއެލްގެ އަމާޒަކީ، މިބޯޓުތަކަށް ބޭނުންވާނެ ހިދުމަތްތައް ހަމަޖައްސައިދިނުމެވެ.
އިހަވަންދިއްޕޮޅުގެ ރަށްތަކާއި ވަރަށް ކައިރިން، ކޮންމެ 24 ގަޑި އިރެެއްގެ ތެރޭ ދުނިޔޭގެ އެކި ގައުމު ތަކުގެ 250 ވަރަކަށް ބޮޑެތި ކާގޯ ބޯޓު ދަތުރު ކުރަމުންދާ އިރު އަޅުގަޑުމެންގެ އަމާޒަކީ، މިބޯޓު ތަކަށް ބެއިނުންވާ އެކި އެކި ޚިދުމަތްތައް ފޯރު ކޮށްދޭނެ އިންތިޒާމް ތައް ހަމަ ޖެއްސައި ދިނުން… ދުނިޔޭގެ އެހެން ގައުމުތަކުންވެސް ކާގޯ ބޯޓު ފަހަރަށް ފޯރު ކޮށްދޭ މިފަދަ ޚިދުމަތްތަކުގެ ތެރޭ ހިމެނޭ އެންމެ މުހިންމު 14 ޚިދުމަތް، ފޯރުކޮށް ދިނުމަށްޓަކައި އަޅުގަޑުމެން މިދަނީ ތައްޔާރު ވަމުންނެވެ. އެކަންތައްތަކުގެ މައުލޫމާތު ޔޫއެމްއެސް ވެބުސައިޓގައި ހިމެނިފައިވާނެ… މީގެ ތެރެއިން ތެލުގެ ހިދުމަތް ފިޔަވައި އެހެން ހުރިހާ ހިދުމަތްތަކެއް ފޯރުކޮށްދޭނީ އެމްޕީއެލް އިންނެވެ. ތެލުގެ ޚިދުމަތް ފޯރު ކޮށްދޭނީ އެސްޓީއޯއިން…
އެގޮތުން ދުނިޔޭގެ އެހެން ގައުމުތަކުންވެސް ކާގޯ ބޯޓު ފަހަރަށް ފޯރު ކޮށްދޭ މިފަދަ ހިދުމަތްތަކުގެ ތެރޭ ހިމެނޭ އެންމެ މުހިންމު 14 ހިދުމަތް، ފޯރުކޮށް ދިނުމަށްޓަކައި ތައްޔާރުވަމުންދާކަމަށް ވަޖީދު ވިދާޅުވި އެވެ.
ވަޖީހު ވިދާޅުވި ގޮތުގައި މީގެ ތެރެއިން ތެލުގެ ހިދުމަތް ފިޔަވައި އެހެން ހުރިހާ ހިދުމަތް އެމްޕީއެލް ފޯރުކޮށްދޭއިރު ތެލުގެ ހިދުމަތް ފޯރު ކޮށްދޭނީ އެސްޓީއޯ އިންނެވެ. ވަޖީދު ވިދާޅުވީ އެ ކުންފުނީގެ އަމާޒަކީ މިއީ އިންޓަރނޭޝަލަލް މާކެޓަށް ދެވޭ ހިދުމަތެއްކަމަށް ވާތީ ވާދަވެރި މާކެޓެއްގެ ތެރެއިން ހިދުމަތް ފޯރުކޮށްދީ ރަނގަޅު މާކެޓް ޝެއާއެއް ރާއްޖެއަށް ހޯދުމެވެ.
ވަޖީހު ވިދާޅުވީ މެރިޓައިމް ދާއިރާއިން ފަށާ ހިދުމަތް ތަކުން، ކައިރި މުސްތަގުބަލެއްގެ ތެރޭގައި އިގުތިސާދަށް ހެޔޮ މަންފާ ކުރާނެކަމަށެވެ.
