ކޮމިއުނިކޭޝަންސް އޮތޯރިޓީ އޮފް މޯލްޑިވްސް (ކޭމް) މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ މިނިސްޓްރީގެ ދަށަށް ބަދަލުކޮށްފިއެވެ.
ރައީސް ޑރ. މުހައްމަދު މުއިއްޒު ވެރިކަމާއި ހަވާލުވެވަޑައިގެން މިނިސްޓްރީތަކަށް ގެނައި ބަދަލުތަކާއި އެކު ކޮމިއުނިކޭޝަންސް އޮތޯރިޓީ އޮފް މޯލްޑިވްސް (ކޭމް) ހިންގަމުން އައީ މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ދަށުންނެވެ.
ރައީސް އޮފީހުން މިއަދު ނެރުނު ބަޔާނުގައި ވަނީ ކޭމްއަކީ މިހާރު ހޯމްލޭންޑް ސެކިއުރިޓީ މިނިސްޓްރީގެ ދަށުން ހިންގާ ތަނެއްގެ ގޮތުގައި ހަމަޖައްސާފައެވެ. ރައީސްގެ މިނިންމުމަކީ ޤާނޫނު އަސާސީގެ 116 ވަނަ މާއްދާގެ (ހ) އިން ރައީސްއަށް ލިބިވަޑައިގަންނަވާ އިހްތިޔާރުގެ ދަށުން ނިންމެވުމެކެވެ.
ކޭމް ހޯމްލޭންޑް މިނިސްޓްރީގެ ދަށަށް ބަދަލު ކުރުމާއި އެކީ އެ މިނިސްޓްރީގެ ދަށުން ހިންގާ އިދާރާތަކުގެ އަދަދު މިހާރު ވަނީ 9 އަށް އަރާފައެވެ.
