ދިވެހި ދައުލަތަށް ދިގު މުއްދަތަކަށް ހިދުމަތްކުރައްވާފައިވާ، އަބްދުލްއަޒީޒް އަބްދުﷲގެ އާއިލާއަށް ރައީސް ޑރ މުހައްމަދު މުއިއްޒު ތައުޒިޔާ ފޮނުއްވައިފިއެވެ.
އެކްސް މެދުވެރިކޮށް ފޮނުއްވި ތައުޒިޔާގެ މެސެޖުގައި ރައީސް މުއިއްޒު ވިދާޅުުވީ، އަބްދުލްއަޒީޒްއަކީ ރާއްޖެއަށް 45 އަހަރަށްވުރެ ދިގު މުއްދަތަކަށް ހިދުމަތްކޮށްދެއްވާފައިވާ ބޭފުޅެއްކަމަށެވެ. އަދި އޭނާ ވަނީ ދައުލަތަށް ހިދުމަތްކުރެއްވުމުގެ އިނާމުވެސް ހާސިލުކުރައްވާފައިކަމަށާއި ރައްޔިތުން މަޖިލީހުގެ މެމްބަރުކަމުގެ އިތުރުން އަތޮޅުވެރިކަންވެސް ކުރައްވާފައިވާކަމަށް ހިއްސާކުރެއްވިއެވެ.
ރައީސް ވިދާޅުވީ، އަބްދުލްއަޒީޒް އަވަހާރަވުމުގެ ހިތާމައިގައި ބައިވެރިވާކަމަށެވެ. އަދި އޭނާއަށް ސުވަރުގޭގެ ދާއިމީ ނިއުމަތްދެއްވުމަށް ދުއާކުރައްވާކަމަށްވެސް ވިދާޅުވިއެވެ.
