ޗާންދަނީ މަގުން ބިދޭސީއެއްގެ ފޯނު ފޭރުނު މީހަކު ހައްޔަރުކޮށްފިއެވެ.
ސީނަށް ފުލުހުން އެޓެންޑުވީ ފޯނެއް ފޭރުނު މީހަކު ހިފަހައްޓާފައި ހުރިކަމަށް ލިބުނު ރިޕޯޓަކާއި ގުޅިގެން ރޭ، 23:43 ގައެވެ.
ފުލުހުން ބުނީ އޭނާ ހައްޔަރުކުރީ އާންމުންގެ އެހީތެރިކަމާއިއެކުގައެވެ.
މި މައްސަލައިގައި ހައްޔަރުކޮށްފައިވަނީ ލ. މާމެންދޫ/ރިހިވެލި އަހުމަދު ނިޒާރުއެވެ. އޭނާއަކީ 31 އަހަރުގެ މީހެކެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
