އެމްއެމްޕީއާރްސީގެ ހިޔާނާތުގެ މައްސަލަތަކާއި ގުޅިގެން އެކުލަވާލާފައިވާ އިމިއުނިޓީ އެއްބަސްވުންތައް ނިމުމަކަށް ގެނައުމަށް ޕީޖީ އޮފީހުން ނިންމައިފިއެވެ.
ޕީޖީ އޮފީހުން އާންމުކޮށްފައިވާގޮތުން އެ މުއައްސަސާއިންވަނީ އެމްއެމްޕީއާރްސީގެ ހިޔާނާތުގެ މައްސަލަތަކާއި ގުޅިގެން ކުރީގެ ނައިބުރައީސް އަހުމަދު އަދީބުގެ އިތުރުން މ ލޭންޑް އޮފް ގާޑަން އަހުމަދު އިޝްފާހު އަލީ އަދި މ ސެސްނާ މުހައްމަދު އައްލާމް ލަތީފް އާއި ގ އޮއިވާލި މުހައްމަދު ހުސައިން އާއިއެކު އެކުލަވާޅާފައިވާ އިމިޔުނިޓީ އަދި އެއްބާރުލުންދިނުމުގެ އެއްބަސްވުންތައް ނިމުމަކަށް ގެނައުމަށް ނިންމާފައެވެ. އަދި ހ އހަމާ އަބްދުﷲ ޒިޔަތުއާއިއެކު ވެފައިވާ އެއްބަސްވުން 2022 ވަނަ އަހަރުގެ އޮގަސްޓު މަހުގެ ތެރޭގައި ނިމުމަކަށް ގެނެސްފައިވާނެކަންވެސް ހިއްސާކޮށްފައިވެއެވެ.
އެެހެންކަމުން މި ފިޔަވަޅާއިއެކު އެއްބަސްވުންތަކުގެ ސަބަބުން ކުރިއަށް ނުގެންދެވި ހުރި މި މީހުންގެ މައްޗަށް ތުހުމަތުކުރެވޭ މައްސަލަތަކުގެ ތަހުގީގުތައް ކުރިއަށް ގެންގޮސް، ވީ އެންމެ އަވަހަކަށް ހުށައެޅުމަށް ފުލުހުންގެ މުއައްސަސާއަށާއި އޭސީސީއަށް އަންގާފައިވާނެކަމަށްވެސް ބުނެފައިވެއެވެ.
