ކަމަދޫ އައިލެންޑް މިއުޒިކް ފެސްޓިވަލް އިންތިޒާމު ކުރާ ފަރާތްތަކާއި އެކު އެކުލަވާލާ ޕާޓްނާޝިޕް އެގްރިމަންޓުތަކުގައި ރަސްމީކޮށް ސޮއިކޮށްފި އެވެ.
ފެބްރުއަރީ މަހުގެ 12 އިން ތިން ދުވަހުގެ މުއްދަތަކަށް ކުރިޔަށް ގެންދާ މި އިވެންޓަކީ ރާއްޖޭގައި މުޅިން އަލަށް ބާއްވާ ބައިނަލްއަޤުވާމީ ފެސްޓިވަލެކެވެ.
މި ޝޯގެ ތެރޭގައި ތަފާތު އެކި ކުޅިވަރާއި، ކަލިނަރީގެ އިތުރުން ސަގާފީ ހަރަކާތްތައް ކުރިޔަށް ގެންދާނެ އެވެ. އަދި ފެސްޓިވަލްގައި ބައިވެރިވުމަށް ބޭނުންވާ ހުރިހާ ފަރާތްތަކަށް ވެސް ވަނީ އެންޓްރީ ޕާސްތައް ބައްލަވައިގަތުމަށް ހުޅުވާލާފަ އެވެ.
މި ފެސްޓިވަލް އިންތިޒާމު ކުރާ ފަރާތްތަކައި އެކު ޕާޓްނާޝިޕް އެގްރިމަންޓުތަކުގައި ސޮއި ކުރުމުގެ ރަސްމިއްޔާތު ކުރިޔަށް ގެންގޮސްފައި ވަނީ ކަމަދޫ ކައުންސިލް އިދާރާގަ އެވެ.
އެއްބަސްވުމުގައި ސޮއިކުރުމުގެ ރަސްމިއްޔާތަށް ފަހު ކަމަދޫ ކައުންސިލުން ބުނީ، ކަމަދޫ އައިލެންޑް މިއުޒިކް ފެސްޓިވަލް ވެގެން ދާނީ ހަނދާނުން ނައްތާނުލެވޭ ފަދަ ތަޖުރިބާއަކަށް ކަމަށެވެ.
ކަމަދޫ އައިލެންޑް މިއުޒިލް ފެސްޓިވަލްގައި ރާއްޖޭގެ މަޝްހޫރު ފަންނާނުންނާއި، އަދި ބޭރުގެ ފަންނާނުންނާއި ބޭންޑުތަކުގެ ހުށަހެޅުން ފެންނާނެ އެވެ.
ފެސްޓިވަލްގެ މީޑިއާ ޕާޓްނަރެއްގެ ގޮތުގައި ހަރަކާތްތެރިވާނީ ސަންގު ޓީވީ އެވެ. އަދި ފެސްޓިވަލްއާ ގުޅޭ އިތުރު މައުލޫމާތު https://kimfmaldives.online/ މެދުވެރިކޮށް ލިބިވަޑައިގަންނަވާނެ އެވެ.
ޓިކެޓް ބުކިންގއަށް ގުޅޭނެ ނަންބަރުތައް:
+960 7987792
+960 7987793
+960 7987794
KIMF Viber: +960 7889890
