ކުރީގެ ރައީސް އަބްދުﷲ ޔާމީން އަބްދުލްގައްޔޫމަކީ މި ފަހުގެ ތާރީހުގައި މިގައުުމު ދުށް އެންމެ ބޮޑު މަކަރުވެރި ހިޔާނާތްތެރިޔާ ކަމަށް ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހު ވިދާޅުވެއްޖެއެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒުއަށް އަމާޒުކޮށް އިދިކޮޅު ޕާޓީތަކުން ފާޑުވިދާޅުވަމުން އަންނަ އިރު އެންމެ ފަހުން ބޭއްވި ޕީއެންއެފްގެ އޮފީހުގައި ރައީސް ޔާމީން ވަނީ ރައީސް މުއިއްޒުއަށް ވަރަށް ބޮޑަށް ފާޑު ވިދާޅުވެފައެވެ. އެގޮތުން ރައީސް މުއިއްޒަކީ އެހެން ރައީސުންނަށް ކުރަން ކެރިވަޑައިނުގެން ހުރި ކަންކަންކުރައްވާ ވެރިއެއް ކަމަށް ވަނީ ވިދާޅުވެފައެވެ.
އެމަނިކުފާނަކީ ސިޔާސީ ޕާޓީތަކުގެ ތެރެއިން މަނީ ލޯންޑަރ ކުރައްވަން ވެސް ކެރިވަޑައިގެންނެވި ހަމައެކަނި ރައީސް ކަމަށް ޔާމީން ވަނީ ވިދާޅުވެފައެވެ. މި ވާހަކަތަކަށް ރައްދު ދެއްވާ ފަލާހު ވިދާޅުވީ ރައީސް މުޢިއްޒުއަކީ މި ޤައުމު ދުއް އެއްމެ އަމާނާތްތެރި ރައީސް ކަމަށެވެ.
މީގެއިތުރަށް ޔާމީން އަކީ މިފަހުގެ ތާރީޚުގައި މި ޤައުމު ދުއް އެއްމެ ބޮޑު މަކަރުވެރި، ޚިޔާނާތް ތެރިޔާ ކަމަށާއި ކުރެއްވި ކަންކަން އޮއްބާލަން އުޅެވަޑައިނުގަތުމަށް ފަލާހު ވަނީ ގޮވާލައްވާފައެވެ. އަދި ފަލާހް ވިދާޅުވީ އިންސާފް އަރާ ހަމަ ކުރާނެ ކަމަށެވެ.
ރައީސް ޔާމީން މިފަދަ ވާހަކަތަކެއް ވިދާޅުވެފައިވާއިރު ޔާމީންގެ މައްޗަށް ވަނީ އެމްއެމްޕީއާރުސީގެ ހިޔާނާތުގެ މައްސަލައިގައި ދައުވާވެސް އުފުލާފައެވެ. ވ، އާރަށް ކުއްޔަށް ދިނުމުގައި ރިޝްވަތު ގަބޫލު ކުރުމާއި މަނީލޯންޑަރ ކުރި ކަމުގެ ކުށް ސާބިތުވާ ކަމަށް ކަނޑައަޅައި ކްރިމިނަލް ކޯޓުން ރައީސް ޔާމީންގެ މައްޗަށް 11 އަހަރުގެ ޖަލު ހުކުމެއް އިއްވިއެވެ. ނަމަވެސް ހައިކޯޓުން ވަނީ އެ ހުކުމް ބާތިލް ކޮށްފައެވެ.
