މިނިސްޓްރީ އޮފް އިކޮނިމިކް ޑިވެލޮޕެމެންޓް އެންޑް ޓްރޭޑްގެ ރަޖިސްޓްރާ އޮފް ކޮމްޕެނީސްގެ މަގާމަށް މަރިޔަމް ޝަމްއާ އިސްމާއިލް އައްޔަނުކޮށްފިއެވެ.
އިކޮނިމިކް މިނިސްޓަރ މުހައްމަދު ސައީދު އެކްސްގައި ހިއްސާކުރެއްވި ޕޯސްޓެއްގައި ވަނީ ޝަމްއާ އެ މަގާމަށް އައްޔަނުކުރައްވާފައިވާ ކަން އިއުލާނު ކުރައްވާފައެވެ. ޝަމްއާއަކީ ގާނޫނީ ދާއިރާއިން ތައުލީމް ހާސިލްކުރައްވާފައިވާ ބޭފުޅެކެވެ.
އިކޮނޮމިކް މިނިސްޓްރީގެ ރަޖިސްޓްރާގެ މަގާމު ހުސްވެފައިވަނީ އެ މާގާމުގައި ހުންނެވި މަރިޔަމް ވިސާމް އިސްތިއުފާ ދެއްވުމާއި ގުޅިގެންނެވެ. ވިސާމްއަކީ ވޭތުވެދިޔަ 11 އަހަރު، މިދިޔަ 2 ސަރުކާރުގައިވެސް ރަޖިސްޓްރާގެ މަގާމު އަދާކުރެއްވި ބޭފުޅާއެވެ.
ވިސާމް އޭނާގެ މަގާމަށް އައްޔަނުކުރައްވާފައި ވަނީ 2014 ވަނަ އަހަރު ރައީސް އަބްދުﷲ ޔާމީންގެ ވެރިކަމުގައެވެ.
