މިމަހުގެ 20 ވަނަ ދުވަހު ހ.ތިލަފުށިގޭގައި ހަދާފައި ހުރި ގުދަނެއްގައި ރޯވި ނުރައްކާތެރި އަލިފާނުގެ ހާދިސާގައި ރޯވެ، އަރި އަޅާލި އިމާރާތް ތަޅާލާނެ ކަމަށް އެމްއެންޑީއެފް އިން ބުނެފިއެވެ.
އެމްއެންޑީއެފް އިން ބުނީ މިއަދު ހެނދުނު 9:00 ގައި އެ އިމާރާތް ތަޅާލުމުގެ މަސައްކަތް ފަށާނެ ކަމަށާއި، އަދި އެ މަސައްކަތުގައި ސިފައިންގެ އެހީތެރިކަން ލިބޭނެ ކަމަށެވެ.
އެ އިމާރާތް ހެދުމަށް ބޭނުންކޮށްފައިވަނީ ހޮޅިއާއި ޓިނެވެ.
އަލިފާނުގެ ހާދިސާގައި މީހުން ދިރިއުޅޭ 6 އިމާރާތަކާއި ހަތަރު ގުދަނެއްގައި ރޯވި އިރު ތިން އިމާރާތެއް ވަނީ އެއްކޮށް އަނދައި ހުލިވެފަ އެވެ.
https://twitter.com/MvCrisis/status/1175882292985597952
މި ހާދިސާއަށް ފަހު އެ ސަރަހައްދު އާންމުންނަށް ނުވަދެވޭނެ ގޮތަށް ބަންދު ކުރި ނަމަވެސް، ރޯވި ސަރައްދުން ކަޅުހުރާ މަގާއި އަބަދަށްފެހި މަގުގެ ބައެއް ފިޔަވައި އެހެން މަގުތައް ވަނީ ގެތަކުގެ ވެރި ފަރާތަށާއި ގެތަކުގައި ދިރިއުޅޭ ފަރާތްތަކަށް ވަދެވޭ ގޮތަށް ހުޅުވާލާފައެވެ. މީގެ އިތުރުން މީހުން ހުސްކުރި ބައެއް ގެތަކަށް އަލުން ބަދަލުވާން ވެސް މިހާރު ވަނީ އަންގާފައެވެ.
މި ނުރައްކާތެރި ހާދިސާގައި 500 އަށް ވުރެ ގިނަ މީހުން ހާލުގައި ޖެހުނު އިރު އަންހެނަކު ވަނީ ނިޔާވެފަ އެވެ. މި ހާދިސާ ހިނގަން މެދުވެރިވި މަގަނޑު ސަބަބަކީ ހ.ތިލަފުށި ކެމިކަލް ގުދަނެއްގައި ރޯވި އަލިފާންގަނޑު ކޮންޓްރޯލް ނުކުރެވި މުޅި ސަރަހައްދަށް ފެތުރިގެން ދިޔުމުގެ ސަބަބުންނެވެ. އަލިފާންގަނޑު ކިރިޔާވެސް ކޮންޓްރޯލް ކުރެވުނީ ފަޔަރ އެންޑް ރެސްކިއުގެ ފޯމް ޓްރަކް އެއަރޕޯޓުން އެ ސަރަހަދަށް ގޮސް ފޯމް ޖަހަން ފެށި ހިސާބުންނެވެ.
ހެންވޭރުގައި ހިނގި މި ހާދިސާގެ ތަހުގީގު އަދިވެސް ދަނީ ކުރިޔަށެވެ. ފުލުހުންގެ އާސަން ތަހުގީގު ޓީމާއި އަދި ފޮރެންސިކް ޓީމްތައް ރެއިން ފެށިގެން ދަނީ މިހާދިސާ ހިނގި ސަރަހައްދުގައި ހަރަކާތްތެރިވަމުންނެވެ. އެހެން ނަމަވެސް ގިނަ އަދަދެއްގެ ސާމާނު އެތަނުން ސާފުކޮށްފައިވާކަންވެސް ފާހަގަކޮށްލެވެއެވެ.