މީޑިއާތަކަށް މާލީ އެހީތެރިކަން ދިނުމާއި ގުޅޭގޮތުން ޔޫތު މިނިސްޓްރީން ކުރި އިއުލާނު ބާތިލުކޮށްފިއެވެ.
ޔޫތު މިނިސްޓްރީން ގެޒެޓު ކުރި އިއުލާނުގައި ބުނީ ބައެއް މީޑިއާތަކާއި އަމިއްލަ ފަރާތްތަކުން ވެސް ވަނީ މީޑިއާތަކަށް މާލީ އެހީތެރިކަން ދިނުމާއި ގުޅޭ އުސޫލާއިމެދު ކަންބޮޑުވުން ފާޅުކޮށްފައިކަމަށެވެ.
އެ އުސޫލު އެކުލަވާލީ މީޑިއާތައް ރެގިއުލޭޓްކުރުމަށް ވަކި މުއައްސަސާއެއް އުފެއްދުމުގެ މަރުހަލާގެ ތެރޭގައި ނަމަވެސް އެކަން ކުރީ ކަމާއި ގުޅުންހުރި ފަރާތްތަކުގެ ލަފާގެ މަތިންކަމަށް ވަނީ ބުނެފަ އެވެ.
ނަމަވެސް މޯލްޑިވްސް މީޑިއާ އެންޑް ބްރޯޑްކާސްޓިންގް ކޮމިޝަން އެކުލަވާލެވިފައިވުމާއިއެކު މާލީ އެހީދިނުމުގެ ކަންކަން އެންމެ މިނިވަންކަމާއިއެކު ކުރެވޭނީ އެ އިދާރާ މެދުވެރިކޮށް ކަމަށްދެކޭތީ މީގެ ކުރިން މީޑިއާތަކަށް އެހީދިނުމަށް ކުރި އިއުލާނު ބާތިލުކުރުމަށްފަހު އެ ކޮމިޝަނާ ހުރިހާ ޒިންމާތައް ހަވާލުކުރާކަމަށް ބުނެފައިވެއެވެ.
