އެމްޕީއެލް ސަރަހައްދުގައި އޮތް ކޮޅުވެއްޓިއެއް ބަންޑުން ޖަހާލައި ހިނގި ހާދިސާއެއްގައި ހަ މީހަކަށް އަނިޔާވެ، އޭގެ ތެރެއިން ބިދޭސީ މީހާ ނިޔާވެފައިވާކަމަށް ފުލުހުން ބުނެފި އެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ އެމްޕީއެލް ދިމާ ބޭރުގައި ކޮޅުވެއްޓިއެއް ބަންޑުން ޖަހާލާފައިވާކަމުގެ މައުލޫމާތު ލިބުނީ މިއަދުގެ 15:44 ހާއިރު ކަމަށެވެ.
ކޮޅުވެއްޓި ބަންޑުން ޖަހާލިއިރު އެ އުޅަނދުގައި ތިބީ 14 މީހުންނެވެ.
މި ހާދިސާގައި އަނިޔާވެގެން ހޮސްޕިޓަލަށް ގެންދިޔައީ ހަ މީހަކުކަމަށް ފުލުހުން ބުންޏެވެ. އޭގެ ތެރޭގައި ހިމެނެނީ ދެ ބިދޭސީންނާއި ހަތަރު ދިވެހިންނެވެ. ނިޔާވެފައި ވަނީ އޭގެ ތެރެއިން ބިދޭސީއެކެވެ.
ކޮޅުވެއްޓި ބަންޑުން ޖަހާލި ހާދިސާގައި ބިދޭސީ މީހާ ނިޔާވެފައި ވަނީ، އޭނާގެ ހާލު ސީރިއަސްވެ ފަރުވާދެމުން ދަނިކޮށެވެ.
