މުވަޒައްފަށް ހަމަލާދިން މައްސަލަ ބަލާނަން: ވެމްކޯ

ވެމްކޯގެ މުވައްޒަފަކަށް އާންމުންގެ މީހަކު ހަމަލަދިން މައްސަލަ ބަލާނެ ކަމަށް ވެމްކޯއިން ބުނެފިއެވެ.

ވެމްކޯއިން ނެރުނު ނޫސްބަޔާނެއްގައި ބުނެފައިވަނީ، ވެމްކޯގެ ވެށިފާރަވެރިޔާ ޔޫނުސް އާދަމްކޮއެއަށް މީހަކު ހަމަލަދިންކަން ވެމްކޯގެ ސަމާލުކަމަށް އައީ އަންގާރަ ދުވަހުގެ ރޭގެ 19:53ގައިކަމަށެވެ.

އޭނާއަށް ހަމަލާދީފައިވަނީ ރެޖިސްޓްރީ ނުކޮށް ހުރި މީހަކު ކުނި ނަގަން އެދުމުން އެކަން ކޮށްދެވެން ނެތްކަމަށް ބުނުމުން ކަމަށް ވެމްކޯއިން ފާހަަގަކުރެއެވެ.

މީސްމީޑިއާގައި އާންމުވި ފޮޓޯތަކެއްގައި ޔޫނުސް ކައިރީގައި ވެއްޓިފައި ހުރި ކުނި ކޮތަޅުތަކެއް ހުރި މަންޒަރުފެނިގެންދެއެވެ. މަންޒަރުދުށް ފަރާތަކުން މީސްމީޑިއާގައި ބުނެފައި ވަނީ އާންމުންގެ މީހާ ޔޫނުސްގައިގައި ކުނި ކޮތަޅުން ޖަހާފައިވާކަމަށެވެ.

މި ހަމަލާގައި ޔޫނުސްއަށް ސީރިއަސް ގެއްލުމެއް ނުލިބުނު ނަމަވެސް، މި މައްސަލަ ބަލާނެކަން ވެމްކޯއިން ހާމަކުރެއެވެ.

މީގެ ކުރިންވެސް ވެމްކޯގެ މުވައްޒަފުންނަށް އިހާނަތިކޮށްހިތާ މައްސަލަތައް ވަނީ ފެންމަތިވެފައެވެ.
ވެމްކޯގެ އެމްޑީ އާދަމް މުހައްމަދު ވަނީ ޔޫނުސްއާއި ބައްދަލުކޮށް މި ޙާދިސާ ހިނގި ގޮތް އޮޅުން ފިލުވާފައެވެ. ޔޫނުސް އަކީ 2018އިން ފެށިގެން ވެމްކޯގައި ޚިދުމަތްކުރަމުންދާ މުވައްޒަފެކެވެ.