ރޭ ދަންވަރުގެ ވަގުތެއްގައި ލ.ގަމު ތުނޑީ ގެއަކަށްވަދެ ދެ އަންހެނަކު ރޭޕް ކުރަން އުޅުނު ދެ ފިރިހެނަކު ހައްޔަރުކޮށްފިއެވެ.
ފުލުހުން މިއަދު ވިދާޅުވީ ރޭ 02:30 ހާއިރު ލ.ގަމު ތުނޑީ އަވަށުގެ ގެއަކަށް ދެމީހަކު ވަދެ އެ ގޭގައި އުޅޭ އަންހެނުންނަށް ބިރުދައްކައި ގަދަކަމުން ބަދުއަހުލާގީ އަމަލު ހިންގަން އުޅުނު ކަމަށްބުނެ ފުލުހުންނަށް މައްސަލައެއް ހުށަހަޅާފައިވާ ކަމަށެވެ.
މި މައްސަލައާއި ގުޅިގެން 28 އަހަރުގެ ދިވެހި ފިރިހެނަކާއި 29 އަހަރުގެ ދިވެހި ފިރިހެނަކު ފުލުހުންގެ ބެލުމުގެ ދަށަށް ވަނީ ގެނެސްފައިވާ ކަމަށް ފުލުހުން ބުނެއެވެ. އެ ދެމީހުންވެސް ހައްޔަރުކޮށްފައިވަނީ އެ ގޭތެރެއިންނެވެ.
މި މައްސަލަ ތަހުގީގު ކުރަމުން އަންނަ ކަމަށް ފުލުހުން ވިދާޅުވިއެވެ.