މިއަހަރުގެ ބަރަކާތްތެރި ރަމަޟާން މަހާއި ޝައްވާލު މަހުގެ ފުރަތަމަ ހަ ދުވަހު (ހަ ރޯދައިގައި) ބެންކް އޮފް މޯލްޑިވްސް (ބީއެމްއެލް) ހުޅުވާފައި ހުންނާނެ ގަޑިތައް އެ ބޭންކުން އިއުލާން ކޮށްފިއެވެ. ބޭންކުން ހާމަކުރި ގޮތުގައި މިއަދަކީ އަކީ ބޭންކު ބަންދު ދުވަހެކެވެ.
ރަމަޟާން މަހުގެ ފުރަތަމަ 20 ދުވަހު ބޭންކުގެ ބްރާންޗުތަކާއި ސަރވިސް ސެންޓަރުތައް ހުޅުވާފައި ހުންނާނީ ހެނދުނު 9:30 އިން މެންދުރުފަހު 12:30 އަށެވެ. ނަމަވެސް، ރަމަޟާން މަހުގެ ފަހު 10 އެއްގެ ދުވަސްތަކަކީ ސަރުކާރު ބަންދު ދުވަސްތަކެއްގެ ގޮތުގައި ހަމަޖައްސާފައިވާތީ، އެ ދުވަސްތަކުގައި ހިދުމަތް ދޭނެ ގަޑިތައް ފަހުން އިއުލާން ކުރާނެ ކަމަށް ބީއެމްއެލުން ބުނެފައިވެއެވެ.
ބޭންކުގެ ބްރާންޗުތައް ބަންދުވި ނަމަވެސް، ރާއްޖޭގެ އެކި ސަރަހައްދުތަކުގައި ގާއިމްކޮށްފައިވާ ސެލްފް ސަރވިސް ބޭންކިންގ ސެންޓަރުތައް މެދުވެރިކޮށް ފައިސާ ޖަމާކުރުމާއި، ފައިސާ ނެގުމާއި އަދި ފައިސާ ފޮނުވުމުގެ ހިދުމަތް 24 ގަޑިއިރު މެދުކެނޑުމެއް ނެތި ލިބޭނެއެވެ. މީގެ އިތުރުން، ބީއެމްއެލްގެ އިންޓަރނެޓް ބޭންކިންގ އަދި މޮބައިލް އެޕް މެދުވެރިކޮށް ދޭ ހުރިހާ އޮންލައިން ހިދުމަތްތަކެއް ވެސް ލިބޭނެ ކަމަށް ބޭންކުން ފާހަގަކުރެއެވެ.
ކޮންމެ އަހަރެއްގެ ވެސް ރަމަޟާން މަހާ ދިމާކޮށް ސަރުކާރުގެ އޮފީސްތަކާއި ކުންފުނިތަކުގެ މަސައްކަތު ގަޑިތަކަށް ބަދަލު ގެންނަ އުސޫލުން، މިއަހަރު ވެސް ވަނީ ހިދުމަތްދޭ ވަގުތުތަކަށް ބަދަލު ގެނެސްފައެވެ. ބީއެމްއެލުން ވަނީ ކަސްޓަމަރުން ބޭންކަށް ވަޑައިގަތުމުގެ ބަދަލުގައި ވީހާވެސް ބޮޑަށް ޑިޖިޓަލް ވަސީލަތްތައް ބޭނުންކުރުމަށް އިލްތިމާސްކޮށްފައެވެ.
