އެމްބިއުލަންސްގެ ހިދުމަތް ދެމެހެއްޓެނިވި ގޮތުގައި ރާއްޖޭގެ ހުރިހާ ރަށަކަށް ފޯރުކޮށްދިނުމަށް ހިންގާ ޕްރޮގްރާމްގެ ދަށުން ރާއްޖެ ގެނައި 56 އެމްބިއުލާންސް މޯލްޑިވްސް ޕޯޓްްސް ލިމިޓެޑް ( އެމްޕީއެލް) އިން ރަށްރަަށަށް ފޯރުކޮށްދީފިއެވެ.
މިނިސްޓްރީ އޮފް ހެލްތުން ހިންގާ މި ޕްރޮގްރާމްގެ ދަށުން ކޮންޓްރެކްޓަރ ފައިނޭންސިންގ އުސޫލުން ރާއްޖެއަށް 56 އެމްބިއުލާންސް ގެންނަން އެމްޕީއެލް އާއިހަވާލުކުރީ 2025 ވަނަ އަހަރު އެވެ.
އެމްޕީއެލް އިން ގެނައި 56 އެމްބިއުލާންސް ގެ ތެރެއިން އެއް އެމްބިއުލާންސް ދީފައިވަނީ މޯލްޑިވްސް ކަރެކްޝަނަލް ސާވިސްއަށެވެ. ބާކީ 55 އެމްބިއުލާންސް ފޯރުކޮށްދީފައިވަނީ ރާއްޖޭގެ އުތުރާއި ދެކުނުގެ އެކި ރަށްތަކަށް ކަމަށް އެ ކުންފުނިން ހާމަކުރެއެވެ.
އެމްބިއުލާންސްތައް ރަށްތަކަށް ފޯރުކޮށްދިނުމުގެ މަސައްކަތް އެ ކުންފުނިން ފަށާފައިވަނީ 17 ޖެނުއަރި 2026 ގައެވެ. އަދި މި މަސައްކަތް ފުރިހަމަ ކޮށްފައިވަނީ 14 ފެބުރުއަރީގައެވެ.
އެމްބިއުލާންސްތައް ހަވާލުކުރުމުގެ އިތުރުން އެތަކެތި ދުއްވުމާއި މަރާމާތުކޮށް ބެލެހެއްޓުމާއި ގުޅޭ ފަންނީ މައުލޫމާތު އެ ކުންފުނީގެ މެކޭނިކަލް ޓީމުން ވަނީ ހޮސްޕިޓަލްތަކާއި ސިއްހީ މަރުކަޒުތަކުގެ މުވައްޒަފުންނަށް ފޯރުކޮށްދީފައެވެ.
އެގޮތުން މިހާރު ބޭނުންކުރަމުންދާ ބައެއް އެމްބިއުލާންސް ތަކަށް ދިމާވެފައިވާ މައްސަލަައް ދެނެގަތުމަށް ވެސް ވަނީ އެހީތެރިކަން ފޯރުކޮށްދީފައެވެ.
ކުރިއަށް އޮތް ތަކުގައި ހެލްތު މިނިސްޓްރީއާއިއެކު ސާވިސް ކޮންޓްރެކްޓެއް ހަދާ، އެމްބިއުލާންސްތައް ސާވިސްކުރުމާއި، ބޭނުންވާ ސްޕެއަރ ޕާރޓްސް ފޯރުކޮށްދިނުމަށް އެމްޕީއެލް އިން މަސައްކަތް ކުރުމަށް މަޝްވަރާކުރަމުންދާ ކަމަށް އެކުންފުނިން ހާމަކުރެއެވެ.
