ކ.ތިލަފުށީ އަލަށް ހިއްކި ސަރަހައްދުގެ މޫދުގައި އަޅާފައި އޮތް ލޯންޗެއްގައި އަލިފާނުގެ ހާދިސާއެއް ހިނގައި އެކަކު ފިހިއްޖެއެވެ.
މީޑިއާތަކަސް މައުލޫމާތު ދެމުން އެމްއެންޑީއެފްއިން ބުނެފައި ވަނީ ލޯންޗުގައި ރޯވި އަލިފާން ގަނޑު ނިއްވާލާފައިވާ ކަމަށާއި އަދި ހާދިސާގައި ފިހުނު މީހާއަށް އިތުރު ފަރުވާ ދިނުމަށް މާލެ ގެނެސްފައިވާ ކަމަށެވެ.
އަލިފާނުގެ ހާދިސާގެ ސަބަބުން ލޯންޗަށް ލިބުނު ގެއްލުންތަކުގެ މައުލޫމާތު ދެމުން އެމްއެންޑީއެންއިން ބުނެފައި ވަނީ ހާދިސާގެ ސަބަބުން ލޯންޗުގެ މަތި އެއްކޮށް އަނދާފައިވާ ކަމަށާއި އަދި ފަޅުގައި އޮތް އިތުރު އުޅަނދަކަށް އަލިފާނުގެ އަސަރު ކުރި ކަމަށް އެމްއެންޑީއެފް އިން ވަނީ ބުނެފައެވެ.
މީގެއިތުރުން އެމްއެންޑީއެފްއިން ބުނީ އަލިފާނުގެ ހާދިސާގެ މައުލޫމާތު ލިބުނީ މިއަދުގެ ހެނދުނު 11:47 ހާއިރު ކަމަށާއި އަދި އަލިފާން ނިއްވާލެވުނީ12:15 ހާއިރު ކަމަށް އެމްއެންޑީއެފްއިން ވަނީ ބުނެފައެވެ.
advertisment