މިދިޔަ އަހަރާއި އަޅާބަލާއިރު މި އަހަރު ރޯދަ މަހުގެ ފުރަތަމަ ހަފްތާގައި މާލެ ސަރަހައްދުގައި އެކްސިޑެންޓްތަކުގެ އަދަދު އިތުރު ވެފައިވާކަމަށް ފުލުހުންގެ ތަފާސްހިސާބުތަކުން ދައްކައިފި އެވެ.
ފުލުހުން އާންމު ކުރި މައުލޫމާތުތަކުގައި ވާގޮތުން އެންމެ ގިނަ އެކްސިޑެންޓް ހިނގާފައިވަނީ މަޖީދީ މަގާއި ސިނަމާލެ ބްރިޖާއި ހައިވޭގަ އެވެ.
މި އަހަރު ރޯދަ މަހުގެ ފުރަތަމަ ހަފްތާގައި ހިނގާފައިވާ އެކްސިޑެންޓްތަކަކީ:
- މަޖީދީ މަގު – 19 އެކްސިޑެންޓް
- ސިނަމާލެ ބްރިޖާއި ހައިވޭ – 19 އެކްސިޑެންޓް
- ހުޅުމާލެ ފޭސް 1- 17 އެކްސިޑެންޓް
- ހުޅުމާލެ ފޭސް 2 – 16 އެކްސިޑެންޓް
- އެހެން ސަރަހައްދުތައް – 16 އެކްސި
- ބޮޑުތަކުރުފާނުމަގު – 8 އެކްސިޑެންޓް
- ބޮޑުތަކުރުފާނު މަގު ލޯކަލް މާރުކެޓް ސަރަހައްދު – 3 އެކްސިޑެންޓް
މިދިޔަ ފެބުރުއަރީ މަހުގައި ޖުމްލަ 250 ޓްރެފިކް އެކްސިޑެންޓު ވަނީ ފުލުހުންނަށް ރިޕޯޓްކޮށްފައިވެއެވެ.
އަމިއްލަ ސަލާމަތާއި އެހެންމީހުންގެ ސަލާމަތަށް ބަލައިގެން ދުށްވުމަށް ފުލުހުން ވަނީ އިލްތިމާސްކޮށްފައެވެ.
