މޯލްޑިވްސް ޙައްޖު ކޯޕަރޭޝަންގެ ހަވާލުގައި ރޯދަ މަހު އުމްރާއަށް ދިޔަ އުމްރާވެރިން ރާއްޖެ އަންނަން ފަށައިފިއެވެ.
ޙައްޖު ކޯޕަރޭޝަނުން ވިދާޅުވީ އުމްރާވެރިންގެ ފުރަތަމަ ފްލައިޓް ރާއްޖެ އައިސްފައި މިއަދު ހެނދުނު 9:30 ކަމަށެވެ. މިގޮތުން 58 އުމްރާވެރިން މިއަދު އެނބުރި މާލެ އައިސްފައިވެއެވެ.
މިއަދު އަދި އިތުރު ފްލައިޓެއްގައި 60 މީހަކު ރާއްޖެ އައުމަށް ހަމަޖެހިފައިވާ ކަމަށް ޙައްޖު ކޯޕަރޭޝަނުން ވިދާޅުވެއެވެ. ދިވެހި އުމްރާވެރިންގެ ފަހު ފްލައިޓް ފުރުމަށް ހަމަޖެހިފައިވަނީ މިމަހުގެ 29 ވަނަ ދުވަހެވެ. ރަމަޟާން މަހާ ދިމާކޮށް 2 ގްރޫޕަކަށް ބަހާލައިގެން ޙައްޖު ކޯޕަރޭޝަންގެ ހަވާލުގައި 230 މީހުން މައްކާއަށް ގޮސްފައިވާކަމަށް ޙައްޖު ކޯޕަރޭޝަނުން މައުލޫމާތުދެއެވެ.
ސްކޫލް ބަންދުތަކާއި ދިމާކޮށް ޙާއްސަކޮށް ރޯދަ އަބަދުވެސް ވަރަށް ގިނަ އަދަދެއްގެ މީހުން އުމްރާއަށް ދެއެވެ. މިދިޔަ އަހަރު ވެސް ރާއްޖެއިން ވަރަށް ގިނަ މީހުން ވަނީ ބަންދާއި ދިމާކޮށް އުމްރާއަށް ގޮސްފައެވެ.
