ރިސޯޓެއްގެ ގޮނޑުދޮށަށް އިންސާނެއްގެ ބޮލުގެ ބައެއް ލައްގައިފި އެވެ.
ފުލުހުން ބުނީ، ނޮކު މޯލްޑިވްސް ރިސޯޓުގެ ގޮނޑުދޮށުން އިންސާނެއްގެ ބޮލުގެ ބައެއް މިއަދު ލައްގައިގެން ފުލުހުންނަށް ރިޕޯޓުކޮށްފައިވާ ކަމަށެވެ.
ފުލުހުން ބުނީ މިއަދު މެންދުރު 1:00 ހާއިރު އެ ރިސޯޓުގެ ގޮނޑުދޮށަށް އިންސާނެއްގެ ބޮލުގެ ބައެއް ލައްގައިގެން 2:00 ޖެހިއިރު ފުލުހުންނަށް ރިޕޯޓުކޮށްފައިވާ ކަމަށާއި ފުލުހުން އެ ރިސޯޓަށް ދިއުމުގެ މަސައްކަތް ކުރަމުން އަންނަ ކަމަށެވެ.
ނަމަވެސް، އެކަމާ ގުޅޭ އިތުރު ތަފްސީލެއް އަދި ނުލިބެ އެވެ.
ފުލުހުން ހިއްސާކުރި ފޮޓޯ އިން ފެންނަނީ ދަތްދޮޅިގެ ބައެކެވެ. އެ ފޮޓޯގައި ކޮލު ދަތްތައް ވެސް ފެންނަން ހުއްޓެވެ.
advertisment