މާލޭ ގެއެއްގެ 10 ވަަނަ ފަންގިފިލާ މަތިން މީހަކު ވެއްޓިއްޖެ އެވެ.
ފުލުހުން ބުނީ މާފަންނު ސަބުދެލިމަގުގައި ހުންނަ މ. ބީޗް ފްލެޓްގެ މަތިން މީހަކު ވެއްޓިފައިވާ ކަމުގެ ރިޕޯޓު ލިބުނީ މިއަދުގެ އިރުއޮއްސި 18:20 ހާއިރު ކަމަށެވެ. އަދި އޭނާ ވެއްޓިފައިވަނީ ފުރާޅު ފޫއަޅުވާފައި ކަމަށް ވެސް މައުލޫމާތު ލިބެއެވެ.
މި ހާދިސާގައި ވެއްޓުނު މީހާ އައިޖީއެމް ހޮސްޕިޓަލަށް ގެންގޮސް ފަރުވާދެމުން އަންނަކަމަށް ފުލުހުން ބުންޏެވެ.
ފުލުހުން ބުނި ގޮތުގައި ވެއްޓުނީ ބަންގްލަދޭޝްއަށް ނިސްބަތްވާ 30 އަހަރުގެ ފިރިހެނެކެވެ. އެ މީހާ ވެއްޓިފައި ވަނީ އިމާރާތުގެ 10 ވަނަ ފަންގިފިލާއިން ޖެހިގެން ހުރި ގޭގެ ފުރާޅު މައްޗަށެވެ.
