ރާއްޖޭގެ އެކި ހިސާބުތަކަށް ގުގުރުމާއި އެކު ވިއްސާރަ ކުރާނެ ކަމަށް ގައުމީ މޫސުމާ ބެހޭ އިދާރާ (މެޓް) އޮފީހުން ހާމަކޮށްފިއެވެ.
މެޓް އޮފީހުން މައުލޫމާތު ދޭގޮތުގައި ރާއްޖޭގެ އެކި ހިސާބަށް ގުގުރުމާއި އެކު ވިއްސާރަ ކުރާނެ ކަމަށާއި އަދި ބައެއް ރަށްތަކަށް ބޯކޮށް ވާރޭ ވެހުން އެކަށީގެވެއެވެ.
މިއަދުގެ އިރު އޮއްސުމާއި ހަމައަށް މޫސުން ކުރިއަށް ލަފާ ކުރާ ގޮތަށް ބަލާއިރު ހުޅަނގުދެކުނާއި ހުޅަނގުން، ގަޑިއަކު ފަސް މޭލާއި 15 މޭލު ދެމެދުގެ ބާރުމިނުގައި ވައިޖެހޭނެ ކަމަށާއި، ވިލާގަނޑުގައި ގަޑިއަކު ގާތްގަނޑަކަަށް 30 މޭލު ބާރުމިނުގައި ވައިގަދަވުން އެކަށީގެން ވާކަމަށް ވެސް މެޓުން ވަނީ ހާމަކޮށްފައެވެ.
ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެ ވަރަކަށް ގަދަވާނެ ކަމަށް ވެސް ލަފާކޮށްފައި ވާއިރު ރާޅުގެ އުސްމިނުގައި ދެ ފޫޓާއި ފަސް ފޫޓު ހުރުން އެކަށީގެން ވާކަމަށް މެޓުން ލަފާކުރެއެވެ.
