ރާއްޖެއިން ކޮވިޑް-19 ޖެހިގެން ފަރުވާކުރަމުން އައި މީހުންގެތެރެއިން އިތުރު 36 މީހަކު ރަނގަޅުވެއްޖެއެވެ.
މި ގޮތުން ރާއްޖެއިން، ރަނގަޅުވި މީހުންގެ ޖުމްލަ ޢަދަދު މިވަނީ 644 އަށް އަރާފައެވެ.
ރާއްޖެއިން މިހާތަނަށް ޕޮޒިޓިވްވެފައިވަނީ ޖުމްލަ 1850 މީހުންނެވެ. އޭގެތެރެއިން 100 ކުޑަކުދިންނަށް މި ބަލި ޖެހިފައިވާއިރު، ބަލިޖެހުނު މީހުންގެތެރެއިން ޢުުމުރުން ދުވަސްވީ މީހުންގެ އަދަދު އިތުރުވެފައިވާކަމަށް އެޗްޕީއޭގެ ތަފާސް ހިސާބުތަކުންދައްކައެވެ. މި ގޮތުން ބަލާއިރު، ބުދަ ދުވަހު ޕޮޒިޓިވްވި މީހުންގެތެރޭގައި ވެސް ޢުމުރުން 81 އަހަރުގެ ދިވެހި އަންހެނަކު ހިމެނެއެވެ.
ކޮވިޑް-19 އަށް 1850 މީހުން ޕޮޒިޓިވްވެފައިވެ، ކަރަންޓީނު ފެސިލިޓީތަކުގައި މިހާރުވެސް 1484 މީހުން އެބަތިއްބެވެ. މީގެ އިތުރުން އައިސޮލޭޝަން ފެސިލިޓީތަކުގައި 1248 މީހަކު އެބަތިއްބެވެ.
