ހުޅުމާލޭގައި ފްލެޓްތައް އަޅާފައިވަނީ، ކޮތަރުކޮށިތަކެއް ފަދައިން: ރައީސް ނަޝީދު

ހުޅުމާލޭގައި ފްލެޓްތައް އަޅާފައިވަނީ، ކޮތަރުކޮށިތަކެއް ފަދައިންކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ، ހުޅުމާލޭގައި ފްލެޓްތައް އަޅާފައިވަނީ، 500 އަކަފޫޓުގެ ކުދި ކޮތަރުކޮށިތަކެއް ގޮތަށް ކަމަށެވެ.

މީގެ އިތުރުން، ރައީސް ނަޝީދު ވިދާޅުވީ، އެއިން ތަނެއް ހަދަން ޚަރަދުކޮށްފައިވާކަމަށް ބުނަނީ، އަކަފޫޓަކަށް 1,900 ރުފިޔާގެ މަގުންކަމަށެވެ.

މި ގޮތުން، ކުލީގެ ގޮތުގައި 11,000 ރުފިޔާ ޖެހޭކަމަށާއި، އެ ވަރުން ދެކޮޅުޖައްސާނީ ކިހިނެއްތޯ ވެސް ރައީސް ނަޝީދު ސުވާލުއުފައްދާާފައިވެއެވެ. އަދި މިއީ އެ ދަރަނީގެ ދަންތުރައިގެ ފޯޓޯކަމަށް ވިދާޅުވެ ރައީސް ނަޝީދު ވަނީ ފޮޓޯއެއްވެސް ހިއްސާކުރައްވާފައެވެ.

ރައީސް ނަޝީދު މިހެން ވިދާޅުވެފއިވާއިރު، ހުޅުމާލެ ދެވަނަ ފިޔަވަހީގައި “ހިޔާ މަޝްރޫއު”ގެ ދަށުން، އިމާރާތް ކޮށްފައިވާ 700 ފްލެޓު ޖުލައި މަސްނިމެންވާއިރަށް ހަވާލުކުރެވޭވަރު ވާނެކަމަށް، ހައުސިން މިނިސްޓަރ އާމިނަތު އާޠިފާ ވަނީ ވިދާޅުވެފައެވެ.