މޯލްޑިވްސް އިންލެންޑް ރެވެނިއު އޮތޯރިޓީ (މީރާއަށް) ހުސްވި މެއި މަހު ލިބުނު ޢާމްދަނީ، 81 ޕަސެންޓް ދަށްވެއްޖެއެވެ.
މީރާއިން ޢާންމުކޮށްފައިވާ ތަފާސް ހިސާބުތައް ދައްކާގޮތުން، ހުސްވި މެއި މަހު މީރާ މެދުވެރިކޮށް ދަޢުލަތަށް ލިބިފައިވަނީ، 206.28 މިލިއަން ރުފިޔާއެވެ. މި ޢަދަދަކީ، ވޭތުވެދިޔަ އަހަރުގެ މި މުއްދަތާއި އަޅާބަލާއިރު 81.0 ޕަސެންޓް ދަށް އަދަދެކެެވެ.
މީރާއިން ހާމަކުރިގޮތުގައި، މެއި މަހުގެ ޢާމްދަނީ އެހާ ބޮޑަށް ދަށްވެފައިވަނީ، ކޮވިޑާއި ގުޅިގެން މާލެ ސަރަހައްދު ލޮކްޑައުންކުރުމާ ގުޅިގެން، ޓެކްސް ސުންގަޑިތައް ފަސްކޮށްފައިވުމާއި، ފަތުރުވެރިން ރާއްޖެއަށް ނާންނާތީ ކަމަށެވެ.
މީރާއަށް މެއި މަހު ލިބުނު ޢާމްދަނީއަށް ބަލާއިރު، އޭގެތެރެއިން، 55 ޕަސެންޓަކީ ޖީއެސްޓީގެގޮތުގައި ލިބުނު ފައިސާއެވެ. މީގެ އިތުރުން އިންކަމް ޓެކްސްގެ ގޮތުގައި، 9.7 ޕަސެންޓް ފައިސާ ލިބިފައިވާއިރު، އެއަރޕޯޓް ޑިވެލޮޕްމަންޓް ފީ ގެ ގޮތުގައި، 8.2 ހިއްސާކުރެއެވެ. އެއަރޕޯޓް ސާރވިސް ޗާޖުގެ ގޮތުގައި، 8.0 ޕަސެންޓް ފައިސާ ހިއްސާކުރާއިރު، ޓުއަރިޒަމް ލޭންޑް ރެންޓްގެ ގޮތުގައި، 5.8 ފައިސާ ހިއްސާކުރެއެވެ. އަދި އެހެނިހެން ފީ ތަކުން 13.3 ފައިސާ ހިއްސާކުރެއެވެ.
advertisment