ރާއްޖެއިން ކޮވިޑް-19 އަށް އިތުރު 27 މީހަކު ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ(އެޗްޕީއޭ) އިން މިރޭ ހާމަކޮށްފައިވާ ގޮތުގައި، ރާއްޖެއިން ކޮވިޑް-19 އަށް ޕޮޒިޓިވްވި މީހުންނާއެކު، ޖުމްލަ ޢަދަދު މިވަނީ 2003 އާއި ހިސާބަށް މައްޗައް އަރާފައެވެ.
މި ގޮތުން، ބުރާސްފަތި ދުވަހު 18:00އިން ފެށިގެން، މިއަދުގެ 18:00 އާއި ހަމައަށް ޕޮޒިޓިވްވެފައިވާ މީހުންގެތެރޭގައި ހިމެނެނީ، 14 ދިވެއްސަކާއި، ބަންގްލަދޭޝްގެ 12 މީހަކާއި އިންޑިއާ މީހެކެވެ.
މީގެ އިތުރުން އެޗްޕީއޭއިން ރިޕޯޓުކުރި ގޮތުގައި، ކޮވިޑް-19 ޖެހިގެން ފަރުވާހޯދަމުންއައި އިތުރު 40 މީހަކުވަނީ، ރަނގަޅު ވެސް ވެފައެވެ. މިއާއެކު ރަނގަޅުވި މީހުންގެ ޖުމްލަ ޢަދަދު މިވަނީ، 1193 އަށް އިތުރުވެފައެވެ.