ކޮވިޑް-19 ޖެހިގެން ދަރުމަވަންތަ ހޮސްޕިޓަލުގައި ފަރުވާދެމުން ދިޔަ މީހަކު މަރުވެއްޖެއެވެ. މިއާއެކު ރާއްޖެއިން މި ބަލީގައި މަރުވި މީހުންގެ އަދަދު ވަނީ 11 އަކަށް އަރާފައެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ މަރުވެފައި ވަނީ، 39 އަހަރުގެ އިންޑޮނޭޝިއާއަށް ނިސްބަތްވާ ފިރިހެނެއް ކަމަށެވެ. އަދި އެމީހާއަކީ ވެންޓިލޭޓަރުގައި ފަރުވާ ދެމުންދިޔަ މީހެއް ކަމަށާއި މަރުވެފައިވަނީ ބުރާސްފަތި ދުވަހުގެ ހެނދުނު ކަމަށް އެޗްޕީއޭއިން ބުނެއެވެ.
ވޭތިވެދިޔަ ތިން ދުވަހުގެ ތެރޭގައި ވަނީ ކޮވިޑަށް ]ޕޮޒިޓިވްވި3 މީހަކު މަރުވެފައެވެ.
ރާއްޖޭގައި 2400 މީހަކު ކޮވިޑަށް ޕޮޒިޓިވްވެފައިވާ އިރު، އޭގެ ތެރެއިން 1969 މީހަކު ވަނީ ބަލިން ރަނގަޅުވެފައެވެ.