ބ. އޭދަފުށީ މަގުތައް ހެދުމުގެ މަޝްރޫޢުގެ މަސައްކަތްތަކުގެތެރެއިން މަގުތަކުގައި ތާރުއެޅުމުގެ މަސައްކަތުގެ 50 އިންސައްތަ މަސައްކަތް އެމްޓީސީސީން ނިންމާލައިފިއެވެ.
މި މަޝްރޫޢުއާއި ގުޅޭ މަޢުލޫމާތުދެމުން އެމްޓީސީސީން މިއަދު ބުނީ އޭދަފުށީ މަގުތައް ހެދުމުގެ މަޝްރޫޢުގެ މަސައްކަތްތަކުގެތެރެއިން މަގުތަކުގައި ތާރުއެޅުމުގެ މަސައްކަތުގެ 50 އިންސައްތަ މަސައްކަތް މިހާރު ނިމިފައިވާކަމަށެވެ. އަދި މި މަޝްރޫޢުގެ ދަށުން
ދުވާރުތަކުގެ ޑިޒައިންތައް ބަލާ ސާވޭކުރުމާއ އަޅާފައިވާ ދުވާރުތަކަށް ބަލައި މަގުތަކުގައި ތާރުއެޅުމުގެ މަސައްކަތްކުރުމަށް ހަމަޖެހިފައިވާކަމަށް ވެސް އެމްޓީސީސީން ބުނެއެވެ.
މީގެ އިތުރުން އެ މަގުތައް ޑިޒައިންކުރުމުގެ މަސައްކަތުގެ އިތުރުން ސްޓޯމްވޯޓާ ސްޓޭޝަންތައް ހަރުކުރުމުގެ މަސައްކަތާއި ގްރެވިޓީ ޕައިޕް ނެޓްވޯކްއެޅުމުގެ މަސައްކަތްވެސް ކުރުމަށް ހަމަޖެހިފައިވާކަމަށް ވެސް އެމްޓީސީސީން ބުނެއެވެ.
އެމްޓީސީސީން ހާމަކުރިގޮތުގައި ހުސްވި އަހަރު އޭޕްރީލް 22 ގައި ޢަމަލީ މަސައްކަތް ފަށާފައިވާ މި މަޝްރޫޢަށް 38.3 މިލިއަން ރުފިޔާ ހޭދަވާނެއެވެ.