އެއް ދުވަސް ތެރޭ އެންމެ ގިނަ ބަޔަކަށް ކޮރޯނާ ވައިރަސް ޖެހުމުގެ ރެކޯޑް އިންޑިޔާއަށް

އެއް ދުވަހުގެ ތެރޭގައި އެންމެ ގިނަ މީހުންނަށް ކޮރޯނާ ވައިރަސް ޖެހުމުގެ ރެކޯޑް އިންޑިއަށް ލިބިއްޖެއެވެ.

އާދިއްތަ ދުވަހު އިންޑިޔާއިން އާންމުކުރި ހިސާބުތައް ދައްކާގޮތުން އިންޑިޔާގައި އާދީއްތަ ދުވަހު އެކަނިވެސް 78761 މީހުންނަށް ކޮރޯނާ ވައިރަސް ޖެހިފައިވެއެވެ. މިއީ މި އަހަރު ޖުލައި މަހު 16 ގައި އެމެރިކާގައި މި ބަލި ޖެހުނު 77299 މީހުންގެ ރެކޯޑު ޢަދަދަށްވުރެ 1462 މީހުން އިތުރު ޢަދަދެކެވެ.

ހިސާބުތައް ދައްކާގޮތުން މިހާތަނަށް ދުނިޔޭގެ އެންމެ ގިނަ ބަޔަކަށް ކޮރޯނާ ވައިރަސް ޖެހިފައިވަނީ އެމެރިކާގައެވެ. ދެވަނަ ބުރެޒިލްގައެވެ. އަދި ތިންވަނައަށް އެންމެ ގިނަ ބަޔަކަށް މިބަލި ޖެހިފައި ވަނީ ދުނިޔޭގެ އާބާދީގެ ދެވަނަ އިންޑިޔާގައެވެ.