މިނިސްޓްރީގެ ކޮމިޝަނަރ އޮފް ކޮލިޓީ އެޝުއަރެންސްގެ މަޤާމަށް ބޭފުޅަކު ހޯދަން އިޢުލާނުކޮށްފިއެވެ.
ސިވިލް ސަރވިސް ކޮމިޝަނުން ކޮށްފައިވާ އިޢުލާނެއްގައި މިނިސްޓްރީ އޮފް ހެލްތްގެ ކޮމިޝަނަރ އޮފް ކޮލިޓީ އެޝުއަރެންސްގެ މަޤާމަށް ޝަޢުގުވެރިވާ ފަރާތްތަކައް ކުރިމަތި ލުމުގެ ފުރުސަތުވަނީ ހުޅުވާލާފައެވެ.
އެކަމަށް އެދި ކުރިމަތިލުމުގެ ފުރުޞަތު މިމަހުގެ 22ވަނަ ދުވަހުގެ ނިޔަލަށް ހަމަވާނެއެވެ.
މުސާރައެއްގެ ގޮތުގައި މަހަކު 13890 ރުފިޔާ ވަނީ ކަނޑައަޅާފައެވެ. އަދި ސަރވިސް އެލަވަންސްގެ ގޮތުގައި މަހަކު 2000 ރުފިޔާ ކަނޑައަޅާފައިވާއިރު، ޓެކްނިކަލް ކޯ އެލަވަންސްގެ ގޮތުގައި މަހަކު 3889.20 ރުފިޔާ އަދި ސްޕެޝަލް ޑިއުޓީ އެލަވަންސްގެ ގޮތުގައި މަހަކު 4861.50 ރުފިޔާ ލިބޭނެއެވެ.
މީގެ އިތުރުން ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުޞޫލުން ބޭސްފަރުވާގެ ޚިދުމަތް ލިބޭނެކަމަށާއި، ދިވެހިރާއްޖޭގެ ޕެންޝަނާ ބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން ލިބޭނެކަމަށްވެސް ސިވިލް ސަރވިސް ކޮމިޝަނުން ވިދާޅުވެފައިވެއެވެ.
