ކާރިސާތަކުގެ ތެރޭގައި ކުރާ ހަރަދުތަކުގެ އޮޓިޑް ހެދުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު އެޅުއްވި ފިޔަވަޅުތަކުން ރަނގަޅު ނަތީޖާއެއް ފެނިއްޖެ ކަމަށް މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ(އިންތި) ވިދާޅުވެއްޖެއެވެ.
އިންތި މިހެން ވިދާޅުވީ ކޮވިޑް-19އާ ގުޅޭ ހެލްތު މިނިސްޓްރީއާއި ޓޫރިޒަމް މިނިސްޓްރީއާއި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީގެ އޮޑިޓް ރިޕޯޓްތަކުން ކޮރަޕްޝަންގެ ގިނަ މައްސަލަތަކެއް ފެންމަތިވެފައިވާ ދަނޑިވަޅެއްގައެވެ.
އެގޮތުން އިންތި ވިދާޅުވީ ކާރިސާތަކުގެ ތެރޭގައި ވަގުތުން ވަގުތަށް ޚަރަދުތަކުގެ އޯޑިޓް ހެދުމުގެ މުހިއްމުކަށްޓަކައި އެކަމަށް މަޖިލީހުގެ ރައީސް އެޅުއްވި ފިޔަވަޅުތަކުން މިއަދު މިކަން ހާމަވުމަކީ ރަނގަޅު ނަތީޖާއެއް ކަމަށެވެ.
ކާރިސާތަކުގެ ތެރޭގައި ވަގުތުން ވަގުތަށް ޚަރަދުތަކުގެ އޯޑިޓް ހެދުމުގެ މުހިއްމުކަށްޓަކައި އެކަމަށް މަޖިލީހުގެ ރައީސް އެޅުއްވި ފިޔަވަޅުތަކުން މިއަދު މިކަން ހާމަވުމަކީ ރަނގަޅު ނަތީޖާއެއް.
“އެމް.ޑީ.ޕީ. އަށް ކާމިޔާބު ވާނީ އަޅުގަނޑުމެންގެ އަމާޒު ނުގެއްލުމުން" – ރައީސް ނަޝީދު https://t.co/lduOBkF42Q
— ???????????????????????????????? ???????????????????? (@Imthiyazfahmy) September 16, 2020
ދައުލަތުގެ މުއައްސަސާތަކުން ކޮވިޑް-19 އާ ގުޅިގެން ކޮންމެ ކުއާޓާއެއްގައި ކުރާ ޚަރަދުތަކާއި ހިލޭ އެހީއާއި ދަރަނީގެ އޮޑިޓެއް ހެދުމަށް ރައްޔިތުންގެ މަޖިލީހުން ވަނީ ފާސްކޮށްފައެވެ.
އޮޑިޓަރ ޖެނެރަލްގެ އޮފީހުން މިހާތަނަށް ނެރުނު އޮޑިޓް ރިޕޯޓުތަކުގެ ތެރެއިން ޓޫރިޒަމްގެ އޮޑިޓް ރިޕޯޓުގެ މައްސަލަ އޭސީސީން ބަލަމުން އަންނައިރު، ހެލްތު މިނިސްޓްރީގެ އޮޑިޓް ރިޕޯޓުގެ މައްސަލަ އޭސީސީ އާއި ފުލުހުން އަންނަނީ ތަހުގީގު ކުރަމުންނެވެ.
މިހާތަނަށް ކޮވިޑާއި ގުޅިގެން ނެރުނު ގިނަ އޮޑިޓު ރިޕޯޓުތަކެއްގައި ވަނީ މާލިއްޔަތު ގަވާއިދާ ހިލާފު، ކޮރަޕްޝަން ކަމަށް ބެލެވޭ އެތައް ކަމެއް ފާހަގަކޮށްފައެވެ.
