ކުރީގެ ރައީސް އަބްދުﷲ ޔާމީންގެ ސަރުކާރުން ޗައިނާ އިން ނަގާފައިވާ ލޯނުތައް އަނބުރާ ދެއްކުން ފަސް ކުރުމަށް މަޝްވަރާ ކުރަމުން އަންނަ ކަމަށް ރާއްޖެއަށް ޗައިނާ އިން ކަނޑައަޅާފައި ހުންނަވާ ސަފީރު ޖަންގް ލިޖޮންގް ވިދާޅުވެއްޖެއެވެ.
ސަފީރު މިއަދު އާންމު ކުރެއްވި ވީޑިއޯ މެސެޖްތަކެއްގައި ވިދާޅުވީ ޗައިނާއިން ނަގާފައިވާ ކޮމާޝަލް ލޯނުތައް ފަސްކުރުމުގެ މަޝްވަރާ ފެށިފައިވާ ކަމަށެވެ. ގިނަ ލޯނުތަކަކީ ސަރުކާރުގެ ކުންފުނިތަކުން ނަގާފައިވާ ލޯނުތަކެއްކަން ފާހަގަކުރައްވާ ސަފީރު ވިދާޅުވީ ކޮވިޑްގެ ބަލިމަޑުކަމުގެ މި ހާލަތުގައި ލޯނު ދައްކަން ގޮންޖެހުންތައް ހުންނާނެ ކަމަށް ޗައިނާއިން ގަބޫލުކުރާ ކަމަށެވެ.
ސަފީރު ވިދާޅުވީ ބައިލެޓްރަލް އޮފިޝަލް ސޮވެރިން ލޯނުތައް ފަސް ކޮށްދިނުމަށް މިހާރު ނިންމާފައިވާ ކަމަށެވެ.
ސަފީރު ވިދާޅުވި ގޮތުގައި ސަރުކާރުން ސޮވެރިން ގެރެންޓީ ދީފައިވާ ކޮމާޝަލް ލޯނުތައް ފަސްކުރުމާއި ގުޅޭ ގޮތުންވެސް މަޝްވަރާ ކުރެވެމުން އަންނަ ކަމަށެވެ.
ސަފީރު ވަނީ ރާއްޖެއިން ޗައިނާ އިން ނަގާފައިވާ ލޯނުތަކާއި ގުޅޭ ގޮތުން އާއްމުންގެ ކަންބޮޑުވުންތައް ހުރި މިންވަރު އެމަނިކުފާނަށް ފާހަގަކުރެވިފައިވާ ކަމަށެވެ.
