މިދިޔަ މަހު 46 މީހަކު ޖަލަށް ލާފައިވާ ކަމަށް މޯލްޑިވްސް ކަރެކްޝަނަލް ސާވިސް އިން ބުނެފިއެވެ.
ކަރެކްޝަންސް އިން އާންމުކުރި ތަފާސް ހިސާބުތައް ދައްކާ ގޮތުން މިދިޔަ މަހު ޖަލަށްލި 46 މީހެއްގެ ތެރެއިން 33.3 ޕަސެންޓް މީހުން ޖަލަށް ގެންގޮސްފައިވަނީ ޑްރަގުގެ މައްސަލަތަކުގައެވެ. އަދި 33.3 އިންސައްތަ މީހުންނަށް ވަނީ ވައްކަމާއި ފޭރުމުގެ މައްސަލަތަކުގައި ވެސް ޖަލަށް ގެންގޮސްފައެވެ.
ވަނުން މަނާ ތަންތަނަށް ވަތް(ޓްރެސްޕާސިން) މައްސަލަތަކުގައި 10.2 ޕަސެންޓު މީހުން ޖަލަށް ގެންގޮސްފައިވާއިރު، ކޮރަޕްޝަނުގެ މައްސަލަތަކުގައި 5.1 މީހުން ވަނީ ޖަލަށްލާފައެވެ. އަދި ކުޑަކުދިންނަށް ޖިންސީ ގޯނާ ކުރުމާއި، ހިޔާނާތްތެރިވުމާއި އޮޅުވާލުމާއި، އަމުރަށް ނުކިޔަމަންތެރިވުމުގެ ކުށުގައި ވެސް މިދިޔަ މަހު މީހުންތަކެއް ޖަލަށްލާފައިވެއެވެ.
މިދިޔަ މަހު ޖަލަށް ލުމަށް 39 މީހަކަށް ހުކުމް ކުރިއިރު ޝަރީއަތް ނިމެންދެން 7 މީހަކު ޖަލުތަކުގައި ބައިތިއްބަން ވަނީ ހުކުމްކޮށްފައެވެ.
