މީހުން ދިރިއުޅޭ ރަށްތަކުގައި ބަނގުރާ ވިއްކުން ހުއްދަ ކުރުމަަށް ގޮވާލައި ބައެއް އެމްޑީޕީ މެމްބަރުން ދައްކަވާ ވާހަތަކަށް ޝެއިޚު އަލީ ޒައިދު ރައްދު ދެއްވައިފިއެވެ.
ޒައިދު މިހެން ވިދާޅުވީ މީހުން ދިރިއުޅޭ ރަށްރަށުގައި ރާ އާންމު ކުރުމަށް ގޮވާލައި ރައްޔިތުންގެ މަޖިލީހުގައި އެމްޑީޕީ މެމްބަރުން ވާހަކަ ދެއްކުމާ ގުޅިގެންނެވެ.
އެގޮތުން ޒައިދު ކުރެއްވި ޓްވީޓެއްގައި ވަނީ ރަލޭ ކިޔައިގެން ބައެއް އެމްޑީޕީ މެމްބަރުން މޮޔަފުޅު ވަނީތޯ އައްސަވާފައެވެ. އަދި މީހުން ދިރިއުޅޭ ރަށްރަށުގައި ރަލެއް ނުވިއްކޭނެ ކަމަށާއި އެމެރިކާގެ ލަސް ވެގަސް އަށް ރާއްޖެ ހަދަން މަސައްކަތް ނުކުރުމަށް ގޮވާލާފައެވެ.
”ތިޔަ ކަމެއް ނުވާނެ އިންޝާﷲ. ރައްޔިތުން އެ ފުރުސަތު ނުދޭނެ. ކަލަކުވާކަން ހަނދާންކޮށް ބިރުވެތިވުމަށް ގޮވާލަން.“ ޒައިދު ވިދާޅުވިއެވެ.
MDP baeh menbarun raley kiyaigen moyafulhu vanee thoa? Meehun dhiriulhey rah rashugai Raleh nuvikkeyne insha Allah! Las Vegas ah mi Raajje hadhan ulheyne kameh neh! Thiyakameh nuvaane insha Allah! Rayyithun efurusateh nudheyne! Kalaku vaakan handhaan koh biruvethi vumah govaalan!
— Ali Zaid (@alizaid1000) November 29, 2020
ރާއްޖޭގައި ފަތުރިކަން އޮތް މީހުން ދިރިއުޅޭ ރަށްރަށުގައި ބަނގުރާ ވިއްކޭނެ ގޮތެއް ހޯދައި، އެކަން ކުރެވޭނެ ގޮތާއި، އެމަގު ފަހި ކުރަންޖެހޭކަމަށް ރައްޔިތުންގެ މަޖިލީހުގެ ކަނޑިތީމު ދާއިރާގެ މެމްބަރު ޢަބްދުﷲ ޝަހީމް ޢަބްދުލްޙަކީމް އިއްޔެ ވަނީ ވިދާޅުވެފައެވެ.
ޝަހީމު މިފަދައިން ވިދާޅުވިއިރު ސަރުކާރުން ޓުއަރިޒަމް ޤާނޫނަށް ގެނައި އިސްލާހާ ގުޅިގެން ތޮއްޑޫ ދާއިރާ މެންބަރު ޙަސަން ޝިޔާން ވެސްވަނީ ބަނގުރާ މީހުން ދިރިއުޅޭ ރަށްރަށުގައި ވިއްކުން ހުއްދަކުރަން ގޮވާލާފައެވެ.
