އަވަށްޓެރި ސްރީލަންކާގައި ކޮވިޑް-19 ޖެހިގެން މަރުވާ މުސްލިމުންގެ ހަށިގަނޑުތައް ރާއްޖެ ގެނެސް ވަޅުލެވޭނެ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ލަންކާ ރައީސް ގޯތާބަޔަ ރާޖަޕަކްސަ ވަނީ ކޮވިޑްގައި މަރުވާ މުސްލިމުންގެ ޖަނާޒާގެ ކަންތައްތައް ހަމަޖައްސައިދިނުމަށް އެދި ރައީސް އިބްރާހިމް މުހައްމަދު ސޯލިހަށް ސިޓީީފުޅެއް ފޮނުއްވާފައެވެ. އަދި ރައީސް މިހާރު ގެންދަވަނީ އެ ކަންކަން އިންތިޒާމް ކުރެވޭނެ ގޮތެއް އޮތްތޯ ބެލުމަށް ކަމާބެހޭ ފަރާތްތަކާއެކު މަޝްވަރާ ކުރައްވަމުންނެވެ.
މިކަމާ ގުޅިގެން ނަޝީދު ކުރެއްވި ޓްވީޓެއްގައި ވިދާޅުވީ ލަންކާ އަކީ ރާއްޖެ އަށް ބޭނުންތެރި އަދި އެހާމެ ގާތް އެކުވެރި ގައުމެއް ކަމަށާއި ހުރިހާ ހާލަތެއްގައި ވެސް ދެ ގައުމު އޮންނާނީ އެކަތިގަނޑެއްގެ ގޮތުގައި ކަމަށެވެ. އެގޮތުން ލަންކާގެ މުސްލުން ރާއްޖޭގައި ވަޅުލެވޭނެ ކަމަށާއި ލަންކާގައި ވެސް ރާއްޖޭގެ މީހުން ވަޅުލާފައިވާ ގަބުރުސްތާނުތައް އެބަހުރި ކަމަށް ނަޝީދު ވިދާޅުވިއެވެ.
Good that Maldives & Sri Lanka trying to address this issue. ???????? is our most valued friend and our cousin. We stick together in sickness and & health. ???????? Muslims can be buried in ????????. There r burial grounds for Maldivians in ????????- Jawatha mosque has 4 generations of Maldivian leaders https://t.co/g9T8zFZOpW
— Mohamed Nasheed (@MohamedNasheed) December 15, 2020
މި މައްސަލާގައި ބައެއް ފަރާތްތަކުގެ ހިޔާލުތަފާތުވެފައިވާއިރު ކުރީގެ ރައީސް މައުމޫން އަބްދުލްގައްޔޫމް ވަނީ މުސްލިމުންގެ ހަށިތައް ރާއްޖެ ގެނައުމުގެ ބަދަލުގައި އެ ފަރާތްތަކުގެ ހަށިތައް އަންދާނުލަން އެގައުމުގެ ސަރުކާރުގައި ދެންނެވުން މާ ރަނގަޅުވާނެ ކަމަށް ވިދާޅުވެފައެވެ.
