ސަންގުޓީވީގެ އެޑްވައިސަރުގެ މަގާމަށް، މީޑިއާ ކައުންސިލްގެ ރައީސް ސަހުބާން ފަހުމީ ހަމަޖައްސައިފިއެވެ.
އެމްއެމްސީގެ ރައީސްކަމަށް އަލަށް އިންތިހާބުވި ޝަހުބާން މީގެ ކުރިން އަދާކުރަމުން އައީ ސަންގު ޓީވީގެ ނިއުސް ހެޑުގެ މަގާމެވެ. އަދި ތަފާތު އެކި ޕްރޮގްރާމްތައް ހުށަހަޅައި، ޕްރޮޑިއުސްކޮށްފައި ވެއެވެ.
އެމްއެމްސީއަށް އިންތިހާބުވެ، ކައުންސިލްގެ މަސައްކަތްތައް ވީހާވެސް އިންސާފުވެރިކޮށް ކުރިޔަށް ގެންދިއުމަށްޓަކާ ޓީވީގެ މެނޭޖުމެންޓާއި މަޝްވަރާކޮށް ސަހުބާން ވަނީ ސަންގުޓީވީގެ ނިއުސްރޫމާއި، ހަބަރުތަކާއި ގުޅުން ހުރި ކަންކަމުން އެކަހެރިވެފައެވެ.
ސަންގުގެ މެނޭޖުމެންޓުން ބުނެފައިވަނީ، ސަހުބާން ޓީވީގެ އެޑްވައިޒަރަކަށް ހަމަޖައްސާފައިވަނީ އެމްއެމްސީގެ މަސައްކަތްތައް ކުރުމުގައި އޭނާއަށް އެހީތެރިކަން ފޯރުކޮށްދިނުމަށް ކަމަށެވެ. އަދި ސަހުބާން އޭނާގެ މަސްއޫލިއްޔަތުން އެކަހެރިވި ނަމަވެސް، ސަންގުޓިވީގެ އެޑްވައިޒަރުގެ މަގާމަށް އައްޔަންކުރުމަށް ހަމަޖައްސާފައި ވާ ކަމަށެވެ.
