ދިވެހި ރުފިޔާ ނިޝާން ފަރުމާކުރަން އެމްއެމްއޭއިން ހުޅުވާލި މުބާރާތުގެ އެންމެ މޮޅު ހުށައެޅުމަކަށް ލިބޭ އިނާމު ފައިސާގެ އަދަދު މަދުވެގެން، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް ފާޑުކިޔުން އަމާޒުވެއްޖެއެވެ.
މުޅިން އަލަށް ތައާރަަފުކުރެވޭ މި ނިޝާން ފަރުމާކުރާ މުބާރާތުގެ އެންމެ މޮޅު ހުށައެޅުމަކަށް ލިބެނީ 20،000ރ. ގެ ފައިސާގެ އިނާމެކެވެ. އަދި އެއްވަނައަށް ހޮވޭ ހުށައެޅުން ވެގެންދާނީ އެމްއެމްއޭގެ އިންޓަލެކްޗުއަލް ޕްރޮޕަޓީއަކަށެވެ. މާނައަކީ އެ ނިޝާންގެ މައްޗަށް އެ ފަރުމާކުރި ފަރާތުގެ އެއްވެސް ހައްގެއް ނޯންނާނެއެވެ.
Currency Symbol Designing Competition – A historic opportunity to design the symbol to be used for Maldivian Rufiyaa.
RFP: https://t.co/mbGABlpMOj pic.twitter.com/mXf705h7cl— MMA (@MMA_Maldives) January 24, 2021
މި މައްސަލައިގައި ހުށައަޅާފައިވާ ފައިސާގެ އަދަދު އެއީ ނުބައްދަލު އަދަދެއްކަމަށް ގިނަ ބަޔަކު ބުނާއިރު، އެމްއެމްއޭއިން ފަންނީ ބަޔަކު ލައްވާ ހިލޭ މަސައްކަތްތަކެއް ކުރުވުން އެއީ ބަލައިގަނެވޭނެ ކަމެއް ނޫންކަމަށް ބުނެ ބައެއް މީހުން ކަންބޮޑުވުން ފާޅުކުރިއެވެ.
އެގޮތުން، އެމްއެމްއޭގެ ޓްވީޓަށް ރައްދުދީ މީހަކު ކުރި މީހުން ބުނީ މިއީ އެތައް ބަޔަކު ލައްވާ އުޖޫރައެއް ނުދީ ބުރަ މަސައްކަތްތަކެއް ކުރުވުންކަމަށެވެ. އޭގެ ތެރެއިން “ޒެއިނާސްއާޓް” ނަމުގައި ޓްވިޓަރގައި ހަރަކާތްތެރިވާ އެކައުންޓަކުން އަގާ މެދު ކަންބޮޑުވުން ފާޅުކޮށް ލިޔުނީ، މިއީ ބޮޑު ލަދެއްކަމަށެވެ. އަދި މި ގައުމުގައި ޑިޒައިން މަސައްކަތްތަށް އަގުނުކުރާ މައްސަލައިގައި ހިތްހަމަނުޖެހުން ފާޅުކުރިއެވެ.
20k for designing the symbol for the national currency??!?! Not to mention it being competition where you’re asking a bunch of artists to work for free! This is so embarrassing. The way design work is devalued in this country is downright shameful. https://t.co/vHkjNzfRcy
— Zeina Shareef (@zzzeinasart) January 25, 2021
އެހެން މީހަކު ކުރި ޓްވީޓެއްގައި ބުނީ، ހުރިހާ އުމުރުފުރާއެއްގެ މީހުންނަށް ބޭނުންކުރެވޭނެ ނިޝާނެއް ފަރުމާކުރުމަކީ ފަސޭހަކަމެއް ނޫންކަމަށެވެ. އަދި އެވަރުގެ ފަންނީ އަދި ބުރަ މަސައްކަތަކާ ނުބައްދަލު އިނާމެއް ލިބޭ މުބާރާތެއް ބޭއްވުން ގޯސްކަމަށް އޭނާ ދެކޭއިރު، އެމްއެމްއޭގެ އެ ނިންމުން ބަދަލުކުރުމަށް އެދުނެވެ.
It isn't easy to design a unique symbol that would represent a currency, economy, culture, people, and at the same time a toddler could replicate.
That kind of exhaustive mental & creative energy shouldn't be shriveled down to a contest with a prize that doesn't match the effort. https://t.co/KD3L71oBux— Ahmed Karam (@artofkaram) January 24, 2021
މި މުބާރާތުގައި ބައިވެރިވާން ޝައުގުވެރިވާ ފަރާތްތަކަށް ޕްރޮޕޯޒަލް ހުށައެޅުމުގެ ސުންގަޑިއަކީ އަންނަ ފެބްރުއަރީ 21 ވަނަ ދުވަހުގެ، 14:00 އެވެ. ނިޝާން ފަރުމާކުރުމުގައި ގެންގުޅެންޖެހޭ އުސޫލާއި، ހުށައަޅަންޖެހޭ ގޮތުގެ އިތުރުން މާކްސް ދިނުމުގައި ގެންގުޅޭން މިންގަނޑު އެމްއެމްއޭގެ ވެބްސައިޓުން ފެންނާނެއެވެ.
advertisment