މިދިޔަ ފެބްރުއަރީ މަހު ރާއްޖެެއަށް 96،882 ފަތުރުވެރިން ޒިޔާރަތް ކުރި ކަމަށް ޓޫރިޒަމް މިނިސްޓްރީގެ ތަފާސް ހިސާބުތައް ދައްކައިފިއެވެ.
މިދިޔަ މަހުގެ ތަފާސް ހިސާބުތަކަށް ބަލާއިރު އެވްރެޖް ގޮތެއްގައި ރާއްޖެ އަށް ވަނީ 3460 ފަތުރުވެރިން ޒިޔާރަތްކޮށްފައެވެ. އޭގެ ކުރީގެ މަހު ދުވާލަކު އެވްރެޖްކޮށް ރާއްޖެ އަށް ޒިޔާރަތް ކުރީ 2971 ފަތުރުވެރިންނެވެ.
މިއަހަރުގެ މިހާތަނަށް އެންމެ ގިނައިން ޓޫރިސްޓުން އައިސްފައިވާ ގައުމަކީ އިންޑިއާއެވެ. ދެވަނަ އަށް އެންމެ ގިނައިން މީހުން އައިސްފައިވަނީ ރަޝިޔާ އިންނެވެ.
ސަރުކާރުން ވަނީ މިއަހަރު 1.5 މިލިއަން ފަތުރުވެރިން ރާއްޖެ ގެނައުމަށް އަމާޒު ހިފާފައެވެ.
