ކޮވިޑް-19 އަށް ރާއްޖެއިން މިއަދު ވެސް ޕޮޒިޓިވްވި މީހުންގެ އަދަދު 100 އިން މައްޗަށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމު ކުރި މައުލޫމާތުން ދައްކާގޮތުގައި ފާއިތުވި 24 ގަޑި އިރު ތެރޭ ރާއްޖެއިން ވަނީ 124 މީހުން ކޮވިޑު-19 އަށް ޕޮޒިޓިވްވެފައެވެ.
ޕޮޒިޓިވްވީ މީހުންގެ ތެރެއިން 100 މީހުން ޕޮޒިޓިވްވެފައިވަނީ މާލެ ސަރަހައްދުންނެވެ.
މިއަދުގެ އަދަދު ތަކާއި އެކު ރާއްޖެއިން ޕޮޒިޓިވްވީ ޖުމްލަ މީހުންގެ އަދަދު މިވަނީ 21،268 އަށް އަރާފައެވެ.
18695 މީހުން ބަލިން ރަނގަޅުވެފައިވާ އިރު 157 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ.
