ރާއްޖޭގައި ކުރާ ހުރިހާ ވިޔަފާރިއެއް ވެސް ދިވެހި ރުފިޔާއިން ކުރާ ގޮތަށް ނިންމާފައިވާ ކަމަށް އެމްއެމްއޭގެ ގަވަރުނަރު އަލީ ހާޝިމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މާލިއްޔަތު ކޮމިޓީގައި ވާހަކަދައްކަވަމުން އަލީ ހާޝިމް ވިދާޅުވީ، ބޭރު ފައިސާގެ އަގު އެއް ހަމައެއްގައި ހިފެހެއްޓުމަށް މިއީ ކުރަން ޖެހޭ ކަމެއް ކަމަށެވެ.
އަދި މީގެއިތުރުން ގަވަރުނަރު ވިދާޅުވީ ޕޭމަންޓް ސިސްޓަމާއެކު މިކަންތައްތައް ތަންފީޒްވެގެންދާނެ ކަމަށެވެ.
“އެއް އެކައުންޓުން އަނެއް އެކައުންޓަށް ޓްރާންސަރ ކުރެވޭނީ ހަމައެކަނި ރުފިޔާއިން ކަމަށް ކަނޑައަޅާނަން، އެކްސްޗޭންޖަކަށް ކަނޑައަޅާނީ ރުފިޔާއިން ކަމަށް، ކާޑު ނިޒާމްގައިވެސް ރާއްޖޭގެ އެކައުންޓެއް އަދި ރާއްޖޭގެ ރައްޔިތެއް ކަމުގައިވާ ނަމަ އެއް އެކައުންޓުން އަނެއް އެކައުންޓަށް މުއާމަލާތްކުރުމަށް ދިވެހި ރުފިޔާ އޭ އެކްސްޗޭންޖަކަށްވެސް ބޭނުންކުރަންޖެހޭނީ،“ ގަވަނަރ ޙާޝިމް ވިދާޅުވިއެވެ.
