ކޮވިޑް-19ގެ އަލާމާތްތައް ފެނިގެން ޑޮކްޓަރަަށް ދެއްކި މީހަކު ނ. ވެލިދޫއިން ޕޮޒިޓިވް ވެއްޖެއެވެ.
ވެލިދޫ ސިއްހީ މަރުކަޒުން ބުނީ އަލާމާތައް ހުރެގެން ޑޮކްޓަރަށް ދެއްކި މީހަކު ކޮވިޑަށް ޕޮޒިޓިވް ވުމާ ގުޅިގެން އޭނާއަަ ގާތުން ބައްދަލުވި ފަރާތްތައް ހޯދުމުގެ މަސައްކަތް މިހާރު ކުރެވެމުންދާ ކަމަަށެވެ.
އެމީހާއަކީ ކަރަންޓީނުގައި ނެތް މީހެއް ކަމުން ކޮންޓެކްޓް ޓްރޭސިންގެ މަސައްކަތް ކުރެވެމުންދާއިރު އަޅާ ފިޔަވަޅެއްގެ ގޮތުން މިއަދުގެ 9:00 އިން ފެށިގެން އާންމު ރައްޔިތުން ބޭރަށް ނިކުމެ ނޫޅުމަށް ސިއްހީ މަރުކަޒުން ވަނީ އިލްތިމާސް ކޮށްފައެވެ.
މި ކޭސްއާ ގުޅިގެން ވެލިދޫގެ 10 ގެއެއް މިހާރު ވަނީ ކަރަންޓީން ކޮށްފައެވެ.
