މަރުވި ޒުވާނާ އާއިލާއަށް ހަބަރެއް ނުވާތާ ފަސް ދުވަސް، ކޮޓަރި ބަލާލީ ކުނިވަސް ދުވާވަރުން!

ގަލޮޅު ގެއެއްގައި މަރުވެގެން ކުނިވެފައި އޮއްވާ ފެނުނު ޒުވާނާގެ ޚަބަރެއް ނުވާތާ ފަސް ދުވަސް ވެފައިވާކަމަށް އާއިލާއިން ބުނެފިއެވެ.

އާ ސަހަރާ ކައިރީގައި ހުރެގެން އާއިލާއިން ވާހަކަ ދެއްކި މީހަކު ބުނީ މަރުވި ޒުވާނާގެ ހަބަރު ނުވެ ބައެއް ފަހަރު ދެ ހަފުތާ ދުވަސްވެސް ވާކަމަށެވެ.

މަރުވި ޒުވާނާއަކީ މާލެއަށް އުފަން މީހެއްކަމަށާއި އޭނާ މަރުވެފައި އޮއްވާ ފެނުނީ އޭނާ ދިރިއުޅޭ ކޮޓަރީގައި ކަމަށް ސަންގަށް ވަނީ ކަށަވަރުވެފައެވެ.

އާއިލާއިން ބުނީ ގޯޅިގަނޑުން ކުނިވަސް ދުވާތީވެ، ފުރަތަމަ ހީކުރީ ބުޅަލެއް ނުވަތަ މީދަލެއް މަރުވެގެން ކުނިވީ ކަމަށެވެ. ނަމަވެސް ވަސްގަދަ ވާން ފެށުމުން ކޮޓަރި ބަލާލި އިރު ކޮއްކޮ އޮތީ މަރުވެ ކުނިވެފައިކަމަށްވެސް އޭނާ ކިޔާދިނެވެ.

ކޮޓަރި ހުރީ ތަޅު ނުލާކަމަށާއި، ކޮޓަރި ތަޅު ނުލާ ކޮއްކޮ އެއްގޮތަކަށްވެސް ކޮޓަރީގައި މީގެކުރިން އުޅެފައިނުވާ ކަމަށްވެސް އާއިލާއިން މައުލޫމާތު ދިނެވެ.

މައްޔިތާ މިހާރުވަނީ އާ ސަހަރާއަށް ގެނެސްފަައެވެ. ފޮރެންސިކް ފުލުހުން ދަނީ އާސަހަރާގައި ހަރަކާތްތެރިވަމުންނެވެ.