ހއ. ދިއްދޫ ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތުގެ ދަށުން، މިހާރު ކުރިއަށް ދަނީ ޖިއޯ ބޭގްސްއަށް ވެލިއެޅުމުގެ މަސައްކަތް ކަމަށް މި މަސައްކަތް ކުރަމުން އަންނަ ކުންފުނި އެމްޓީސީސީއިން ބުނެފިއެވެ.
މި މަޝްރޫއުގެ ދަށުން، ކޮނުމަށްފަހު ބިންގަޑު އެއްވަރުކުރަން 7,750 ކިއުބިކް މީޓަރުގެ ވެލިބޭނުންކުރުމާއި، ޖިއޯ ބޭގްސްއަށް އެޅުމަށް 1,926 ކިއުބިކް މީޓަރުގެ ވެލި ބޭނުންކުރުމުގެ އިތުރުން ރަށްގިރުމުން ސަލާމަތްކުރުމަށްޓަކައި 310 މީޓަރުގެ ސަރަޙައްދެއްގައި ޖިއޯ ބޭގް ރިވެޓްމެންޓް ޖެހުމުގެ މަސައްކަތް ހިމެނޭ ކަމަށް އެމްޓީސީސީއިން މައުލޫމާތު ދެއެވެ.
މި މަޝްރޫއަކީ 10.02 މިލިއަން ރުފިޔާގެ މަޝްރޫއެކެވެ.
މި މަޝްރޫއުގެ އިތުރުން ދިއްދޫގެ ބަނދަރު ހެދުމާއި ޖެޓީ ހެދުމުގެ މަސައްކަތްވެސް ސަރުކާރުން މި އަހަރުގެ ފެބްރުއަރީ 11 ވަނަ ދުވަހު އެމްޓީސީސީ އާ ހަވާލްކޮށްގެން އަންނަނީ ކުރަމުންނެވެ.
މި މަޝްރޫއަކީ 69.87 މިލިއަން ރުފިޔާގެ މަޝްރޫއުއެކެވެ.
advertisment