ކޮވިޑް-19އާ ގުޅިގެން އަތޮޅު ތެރެއިން އެންމެ ހާލަތު ގޯސްވި ޅ. ނައިފަރުގެ މޮނިޓަރިން އުވާލައިފިއެވެ.
މިހާތަނަށް އަތޮޅުތެރެއިން އެންމެ ގިނަ މީހުން ޕޮޒިޓިވްވި އަދި އެންމެ ގިނަ ދުވަހު މޮނިޓަރިންގައި އޮތް ނައިފަރު މޮނީޓަރިންނަށް ލާފައި ވަނީ މިއަހަރުގެ މާޗް މަހުގެ 23 ވަނަ ދުވަހު އެވެ.
ކޮވިޑްގައި ނައިފަރުން ހަތަރު މީހަކު މަރުވެފައިވާއިރު ބަލި ޖެހުން މީހުންގެ ޖުމްލަ އަދަދު 921 ވަނީ އަރާފައެވެ. މިހާރު ބަލި ޖެހުނު މީހުންގެ ތެރެއިން 97 އިންސައްތަ މީހުން ވަނީ ބަލިން ރަނގަޅުވެފައެވެ.
