މިއަހަރު ކުރިއަށް ގެންދިޔަ އޯލެވެލް އަދި އެސްއެސްސީ އިމްތިހާނުގެ ނަތީޖާތައް ދޫކުރަން ފަށައިފި އެވެ.
އެޑިޔުކޭޝަން މިނިސްޓްރީން ބުނީ އޯލެވެލް ނަތީޖާތައް މިއަދު ހެނދުނު 10:00 އިން ފެށިގެން އިމްތިހާން ސެންޓަރުތަކަށް ލިބޭނެ ކަމަށެވެ. އަދި އެސްއެސްސީ އިމްތިހާނުގެ ނަތީޖާތައް މިއަދު މެންދުރުފަހު 1:00 އަށް ސެންޓަރުތަކަށް ލިބޭނެ ކަމަށެވެ.
ނަތީޖާތައް އިމްތިހާން ސެންޓަރުތަކަށް ދޫކުރުމުން، ދަރިވަރުންނަށް އެ ނަތީޖާތައް ދޫކުރާނީ ކަނޑައެޅިފައިވާ ގަޑިތަކެއްގައި އެ ސެންޓަރުތަކުންނެވެ.
މިއަހަރުގެ އޯލެވެލް އިމްތިހާނު ކުރިއަށް ގެންގޮސްފައި ވަނީ މޭ މަހުގެ ދެވަނަ ދުވަހުން ފެށިގެން ޖޫން މަހުގެ 11 ވަނަ ދުވަހުގެ ނިޔަލަށެވެ. އިމްތިހާން ކުރިއަށް ގެސްގޮސްފައި ވަނީ މާލޭގެ 22 ސެންޓަރަކާއި އަތޮޅު ތެރޭގެ 213 ސެންޓަރެއްގަ އެވެ.
