ސްޓެލްކޯގެ ވޯކްޝޮޕް، ސްޓެވޯ އިން އެސެމްބަލްކޮށްފައިވާ ފުރަތަމަ ޖަނަރޭޓަރުސެޓް އދ. ހަންޏާމީދޫ އަށް ގެންގޮސްފި އެވެ.
މިއީ މި މަހުގެ ހަތަރު ވަނަ ދުވަހު އިފުތިތާހުކުރި ސްޓެލްކޯގެ ވޯކްޝޮޕް ސްޓެވޯއިން އެސެމްބަލް ކޮށްފައިވާ، މި ބްރޭންޑުގެ ފުރަތަމަ ޖަނަރޭޓަރު ސެޓެވެ.
މި ޖަނަރޭޓަރު ސެޓަކީ 300 ކިލޯވޯލްޓް-އެމްޕަޔަރުގެ (STW300) މޮޑެލްގެ ޖަނަރޭޓަރު ސެޓެކެވެ. ސްޓެލްކޯގެ ވޯކްޝޮޕް ސްޓެވޯއިން ވަނީ STWގެ ތިން މޮޑަލްއެއްގެ ޖަނަރޭޓަރު ސެޓް ރާއްޖޭގެ ބާޒާރަށް ތައާރަފުކޮށްފައެވެ. އެއީ STW600 ،STW300، އަދި STW800 އެވެ.
ސްޓެލްކޯ އިން ބުނީ އެ މޮޑެލްތަކުގެ ޖަނަރޭޓަރު ސެޓްތަކަށް އޯޑަރު ދިނުމުގެ ފުރުސަތު މިހާރު ހުޅުވާލާފައިވާ ކަމަށެވެ.
