ކ. ހިންމަފުށި ބަނދަރު ތަރައްގީ ކުރުމުގެ މަސައްކަތް ފަށާފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފި އެވެ.
ހިންމަފުށި ބަނދަރު ތަރައްގި ކުރުމުގެ މަޝްރޫއުގެ ދެވަނަ ފިޔަވަހި ދަށުން، މިހާރު ކުރިޔަށް ދަނީ އެއްގަމުތޮށި ލުމަށް ބެނުންވާ ކޮންކްރީޓް ގަލުގެ ދެވަނަ މަސައްކަތެވެ.
މި ޕްރޮޖެކްޓްގެ ގަލުގެ ދެވަނަ ޝިޕްމަންޓް ސައިޓަށް ގެންގޮސްފައިވަނީ މި ހަފްތާގެ ތެރޭގަ އެވެ. އަދި އައު ހާބަރ ބޭސިން ފުން ކުރުމުގެ މަސައްކަތުގެ 99 އިންސައްތަ މަސައްކަތް ނިމިފައިވާކަމަށް އެމްޓީސީސީން ބުންޏެވެ.
ކ. ހިންމަފުށި ބަނދަރު ތަރައްޤީ ކުރުމުގެ މަޝްރޫޢު (ދެވަނަ ފިޔަވަހި) ގެ ދަށުން، އެއްގަމުތޮށި ލުމަށް ބޭނުންވާ ކޮންކްރީޓް ގަލުގެ ދެވަނަ ޝިޕްމަންޓް 4 ފެބްރުއަރީ 2022 ވަނަ ދުވަހު ވަނީ ޕްރޮޖެކްޓް ސައިޓަށް ގެންދެވިފައި. #MTCCProjects #RayyithungeKunfuni pic.twitter.com/PBRlO3haZQ
— MTCC Plc (@MTCCPlc) February 7, 2022
މި މަޝްރޫދެ ދަށުން އައު ހާބަރ ބޭސިންގެ 14.300 ކިއުބިކް މީޓަރު ފުން ކުރުމަށް ވަނީ ހަމަޖެހިފައެވެ. އަދި 38 މީޓަރުގެ ސަރަހައްދެއްގައި ބޭރުތޮށި ލުމާއި 248 މީޓަރުގެ ސަރަހައްދެއްގައި ރިވެޓަމަންޓް ޖެހުމަށް ހަމަޖެހިފައިވެއެވެ. އަދި 172 މީޓަރުގެ ސަރަހައްދެއްގައި އެއްގަމުތޮށި ލުމާއި، ނެރު ބައްތި ހަރުކުރުމުގެ މަސައްކަތް ހިމެނޭކަން އެމްޓީސީސީން ވަނީ ފާހަގަކޮށްފަ އެވެ.
މިމަޝްރޫއަކީ 25.88 މިލިޔަން ރުފިޔާގެ މަޝްރޫއެކެވެ.
advertisment