ރޯދަ މަހުގެ ތެރޭގައި ފެމިލީ ކޯޓުން ކައިވެނިކޮށްދޭނެ ވަގުތުތައް ކަނޑައަޅައި އިއުލާންކޮށްފި އެވެ.
ފެމިލީ ކޯޓުން ބުނީ ރޯދަ މަހާއި ޝައްވާލު މަހުގެ ފުރަތަމަ ހަތް ދުވަހު ވެސް ކައިވެނިކޮށްދިނުމުގެ ކަންކަން ކުރިއަށް ގެންދާނީ ރޯދަ މަހަށް ކަނޑައަޅާފައިވާ ގަޑިތަކާ އެއްގޮތަށް ކަމަށެވެ.
ފެމިލީ ކޯޓުން ރޯދަ މަހު ކައިވެނިކޮށްދިނުމަށް ހަމަޖައްސާފައިވަނީ ރަސްމީ ގަޑިނަމަ ހެނދުނު 9:30 އިން މެންދުރު 12:30 އަށެވެ. ނުރަސްމީ ގަޑީގައިނަމަ ކައިވެނިކޮށްދިނުމަށް ހަމަޖެހިފައިވަނީ ރޭގަނޑު 9:30 އިން 11:00 އަށެވެ.
ފެމިލީ ކޯޓުން މިހާރު ރަސްމީ ގަޑީގައި ކޯޓުގައި ކައިވެނިކޮށްދެނީ ހެނދުނު 9:00 އިން 11:30 އަށް އަދި މެންދުރުފަހު 1:00 އާއި 1:30 އަށެވެ. ނުރަސްމީ ގަޑީގައި ކޯޓުން ބޭރުގައި މިހާރު ކައިވެނިކޮށްދެނީ ހަވީރު 4:00 އިން ރޭގަނޑު 9:30 އަށެވެ.
