ދުނިޔޭގެ ބާޒާރުގައި ތެލުގެ އަގު އުފުލިގެން ދިޔަ ނަމަވެސް ސްޓެލްކޯއިން ދޭ ކަރަންޓުގެ ހިދުމަތަށް އޭގެ އެއްވެސް އަސަރެއް ނުކުރާނެ ކަމަށާއި، ކުރިއެކޭވެސް އެއް އަގުތަކެއްގައި ކުންފުނިން ހިދުމަތް ފޯރުކޮށްދޭނެ ކަމުގައި ކުންފުނީގެ މެނޭޖިން ޑިރެކްޓާރ އަހްމަދު ޝަރީފު ވިދާޅުވެއްޖެއެވެ.
ދުނިޔޭގެ މަޝްރަހަށް މި އަންނަމުންދާ ބަދަލު ތަކުގެ ސަބަބުން، ތެލުގެ އަގު ބޮޑު ކުރުމުގެ ސަބަބުން، އެ ދާއިރާ އާއި ގުޅުން ހުރި ހިދުމަތްތަކުގެ އަގުތަކަށް ބަދަލު އަންނަމުންދާ މި ދަނޑިވަޅުގައި ޝަރީފް ވަނީ ބައެއް އާއްމުން އުފަދާ ސުވާލަށް ޖަވާބު ދެއްވާފަ އެވެ. ތަކެތީގެ އަގު ބޮޑުވުމާއި އެކު، ކުރިޔަށް އޮތީ ރޯދަ މަސްކަމުން ކަރަންޓުގެ އަގަށް އެއްވެސް ބަދަލެއް އަންނާނެތޯ ކުރަމުންދާ ސުވާލަށް ޝަރީފް ވިދާޅުވީ އެއް ހަމައެއްގައި ސްޓެލްކޯއަށް ތެޔޮ ފޯރުކޮށްދިނުމުގެ އިންތިޒާމު ސަރުކާރުން ހަމަޖައްސައި ދީފައިވާ ކަމަށެވެ.
Thelu ge agu boduvumaa gulhigen stelco in dhey karrantu khidhumathu ge agu bodu nukuraane, flat rate ehga stelco ah theyo foarukohdhinumuge inthizaamu sarukaarun vanee hama jassaidheefa
— Ahmed Shareef (@ShareefRangondi) March 12, 2022
ހޫނު މޫސުން އަދި ރޯދަ މަހާއި ގުޅިގެން ކަރަންޓު އަގު ބޮޑުވުން މިއީ ރައްޔިތުން އަބަދުވެސް ފާޅުކުރަމުން އަންނަ ކަންބޮޑުވުމެކެވެ. މިގޮތުން ”ސަނގު“ ޓީވީގެ ފުރަމެންދުރު ޕްރޮގްރާމެއްގައި ސްޓެލްކޯގެ ފަރާތުން ވާހަކަ ދައްކަވަމުން ވިދާޅުވީ ހޫނު މޫސުމާއި ގުޅިގެން ކަރަންޓުގެ އަގު އާއްމުކޮށް މަތިވާކަމަށެވ. އަދި ކޮންމެ މަހެއްގެ ވެސް ބިލިން ޕީރިއަޑް ތަފާތުވާނެކަން ކުންފުނިން ވަނީ ފާހަގަކޮށްފަ އެވެ.
މިގޮތުން ރޯދަ މަހުގެ ބިލު ދާނީ ނިމިދިޔަ މަހުގެ ބަޔަކާއި ރޯދަމަހުގެ އެއްބަޔަށް ކަމުގައި ސްޓެލްކޯއިން ބުންޏެވެ.
