ކުރީގެ ރައީސް މުހައްމަދު ނަޝީދަށް މިދިޔަ އަހަރު ދިން ނުރައްކާތެރި ހަމަލާއާއި ގުޅިގެން ކުރިއަށްގެންދާ ތަހުގީގު ގާތުން ބެއްލެވުމަށް ޓަކައި ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު އައްޔަންކުރެއްވި ހާއްްސަ މަންދޫބު އައްބާސް ފާއިޒު، ބަންޑާރަނައިބު އިބްރާހިމް ރިއްފަތާއި މިއަދު ބައްދަލުކުރައްވައިފިއެވެ.
ބަންޑާރަނައިބުގެ އޮފީހުގައި މިއަދު ކުރިއަށްދިޔަ ބައްދަލުވުމުގައި ރިފްއަތު ވަނީ ރައީސް ނަޝީދަށް ހަމަލާދިނުމާއި ގުޅިގެން ރައީސްގެ އެންގެވުމަށް އެކުލަވާލެފުނު އިންޓަލިޖެންސް އޮޑިޓް ރިޕޯޓްގައިވާ ހުށައެޅުންތައް ތަންފީޒުކުރަމުންގެންދާ ގޮތުގެ މައުލޫމާތު އަައްބާސް އާ ހިއްސާ ކުރައްވާފައެވެ.
Today, AG @ibriffath met with Special Envoy to monitor the investigation of the terrorist attack against Speaker Nasheed, Mr. @tweetafaiz to share information on recent changes to Prevention of Terrorism Act & updates on the implementation of Intelligence Audit recommendations. pic.twitter.com/5TBT2lPOAQ
— AG Office Maldives (@AGOmv) March 14, 2022
ރައީސްގެ ހާއްސަ މަންދޫބެއްގެ ގޮތުން އައްބާސް ރާއްޖެ ގެންދަވަނީ ރައީސް ނަޝީދަށް ދެވުނު ނިރުބަވެރި ހަމަލާއާއި ގުޅޭ މައުލޫމާތު ސަރުކާރުގެ ކަމާއިބެހޭ އިދާރާތަކުން ހޯއްދަވަމުންނެވެ. އަދި ހަމަ އެއާއެކު އެމައުލޫމާތުތަށް އައްބާސް ގެންދަވަނީ ރައީސް ސޯލިހުއާ ހިއްސާކުރައްވަމުން ކަންވެސް ފާހަގަކޮށްލެވެއެވެ.
advertisment