ޕޯޯސްޓްގެ އެމްޑީއަކަށް އާދަމް މުހައްމަދު!

މޯލްޑިވްސް ޕޯސްޓް ލިމިޓެޑްގެ މެނޭޖިންގ ޑައިރެކްޓަރު ކަމަށް އާދަމް މުހައްމަދު އައްޔަންކޮށްފި އެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން ކުރެއްވި ޓްވީޓެއްގައިވާ ގޮތުން މޯލްޑިވްސް ޕޯސްޓްގެ އެމްޑީ ކަމުގައި ކުރިން ހުންނެވި އަހްމަދު ޝަފީގު އެމަގާމުން ވަކިކޮށް، ކުންފުނީގެ ބޯޑް މެމްބަރު ކަމަށާއި އެމްޑީކަމަށް އާދަމް އައްޔަންކޮށްފައިވާ ކަމުގައެވެ.

މޯލްޑިވްސް ޕޯސްޓް ލިމިޓެޑުގެ އެމް.ޑީ. ކަމުގެ މަޤާމުގައި ހުންނެވި އަލްފާޟިލް އަޙްމަދު ޝަފީޤް، އިކްލީލުގެ/ހއ.ދިއްދޫ، އެމަޤާމުން ވަކިކޮށް، އެކުންފުނީގެ ބޯޑު މެންބަރ އަދި އެމް.ޑީ. ކަމުގެ
މަޤާމަށް އަލްފާޟިލް އާދަމް މުޙައްމަދު /
ރޯޝަނީވިލާ / އއ.ބޮޑުފޮޅުދޫ، މިއަދު
ޢައްޔަންކޮށްފީމެވެ. pic.twitter.com/Jd5fIq0KpM

— Privatization & Corporatization Board (@pcb_gov) March 14, 2022

އާދަމް މުހައްމަދު އެންމެ ފަހުން ހުންނެވީ ވެމްކޯގެ މެނޭޖިން ޑިރެކްޓަރަކަށެވެ.

ސަރުކާރުގެ ފަރާތުން ކުންފުނިތަކުގެ ހިންގުން ހަރުދަނާ ކުރުމުގެ ގޮތުން ކުންފުނީގެ އެމްޑީން ބަދަލު ކުރަމުންދާކަން ފާހަގަ ކުރެވެ އެވެ. އެގޮތުން ދާދި ފަހުން ސްޓެލްކޯގެ އެމްޑީކަމުން ހަސަން މުޣުނީ ވަކިކޮށް އެ މަގާމަށް، އިލެކްޝަންސް ކޮމިޝަނުގެ ރައީސްކަން ކުރެއްވި އަހުމަދު ޝަރީފް ވަނީ އައްޔަނުކޮށްފަ އެވެ.